PNTL Investiga Ona Turista Nain 8 Viola Vistu Featured

By Domingos Gomes Maiu 31, 2023 397
Komandante Jerál Polisia Nasional Timor-Leste (PNTL), Komisariu Jerál Polisia, Henrique da Costa. Foto:INDEPENDENTE. Komandante Jerál Polisia Nasional Timor-Leste (PNTL), Komisariu Jerál Polisia, Henrique da Costa. Foto:INDEPENDENTE.

DILI: Komandante Jerál Polisia Nasional Timor-Leste (PNTL), Komisariu Jerál Polisia, Henrique da Costa hateten, komandu orienta ona komandante PNTL Munisipiu Vikeke atu investiga turista indonesia nain 8 viola Vistu Faan Osan Mean ho korente tama iha Munisipiu Vikeke.

Nia dehan, kazu turista Indonesia nain 8 faan sasan tama iha munisipiu Vikeke, dadaun ne’e Komandu PNTL Munisipiu Vikeke ho Departamentu Informasaun Polisia (DIP) halo ona prosesu invetigasun hodi entrega ba servisu migrasaun Timor-Leste atu prosesu tuir lei migrasaun iha TL.

“Sim, kazu ne’e ita orienta ona komandu PNTL Munisipiu Vikeke,  hamutuk  Departamentu Informasaun Polisia (DIP),  indentifika sidadaun Indonesia nain 8  utiliza visa Turista  halo aktividade negosiu, depois ita komunika ho parte autoridade servisu migrasaun atu halo prosesu ba sira,” Dehan Henrique ba Jornalista sira, hafoin partisipa iha serimonia anunsiu rezultadu apuramentu iha Salaun CNE Larigutu, Kolmera, (30/05).

Tanba ne’e Sidadaun Indonesia ne’ebé viola regra uza visa turista  halo aktividade negosiu iha Timor-Leste ida ne’e servisu migrasaun mak sei halo prosesu invetigasaun, bainhira iha inidikasaun ba krime tenki aplika lei ne’ebé eziste iha Timor-Leste.

Iha fatin ketak, Presidente Komisaun B Parlamentu Nasional Trata Asuntu Defeza no Seguransa, José Agustinho Sequeira Somotxo  husu, servisu migrasaun Timor-Leste Presiza haree, sidadaun estranjeiru tama mai Teritoriu Timor-leste ho visa Turista, maibe sira halo aktividade negosiu.

Nia dehan, durante ne’e komisaun B Parlamentu Nasional haree iha diverjensia  politika iha autoridade relevante sira, maibe servisu migrasaun, kumpri nafatin sira nia servisu kontrola sidadaun estrajeiru sira tama mai Timor-Leste.

Tanba ne’e sidadaun estrajeiru tama mai Timor-Leste utiliza visa turista, durante fulan tolu nia laran halo estensaun, depois sira hela Permanente iha Timor-Leste ida ne’e aktu ida la diak, servisu migrasaun tenki kontrola didiak asuntu ida ne’e bainhira indentifika hetan deporta fila sira.

“Ita kunadu tama ema nia nasaun ho visa turista aplika to’o fulan ida, bainhira remata ita tenki fila, laos halo aktividade permante iha Timor-leste, kontra regra, depois Autoridade Polisia kaptura mak foin deporta hau hanoin servisu migrasun la rigor iha kontrolu ema estrajeiru tama mai uza visa turista heta iha Timor-Leste to’o balun Permanente,” afirma nia.

Nia afirma, asuntu ne’e importante, tanab ne’e servisu migrasaun tenki resolve atu indentifika sidadaun estrajeiru sira tama mai Timor-leste hanesan turista, maibe hela iha Timor-Leste illegal tinan barak ona deporta fila sira la iha problema.

Tanab ne’e Sidadaun estrajeiru sira tama mai Timor-Leste hanesan turista kumpri regra, laos mai hanesan   emprezariu hodi loke kampu servisu iha Timor-leste hodi halo aktividade negosiu illegal tama sai Munisipiu sira.

“Iha prosesu indetifikasaun mak sira  iha indikasaun ba viola regra  laiha razaun , sira atu reklama sira nia direitu hodi heta iha Timor-Leste, tanba sira faan sasan osan mean ho korente tama sai iha Munisipiu, autoridade PNTL hetan halo kapturasaun detekta sira utiliza visa turista halo aktividade negosiu tenki prosesu deporta hotu,” informa nia.

Nia afirma, servisu migrasun labele admite ema estrajeiru tama mai timor-Leste, faan sasan osan mean tama sai Munisipiu sira, tanba laiha ekipamentu ida hodi detekta sasan sira ne’e osan mean.

 “Ita dekonfia sira bosok bainhira faan osan mean ho korente sira ne’e, tanba ne’e invetigasaun mak detekta sasan sira ne’e falsu ita labele admite ema estrajeiru halo negosiu illegal iha Timor-Leste,”

Tanba ne’e sidadaun timor oan sira hakarak sosa osan mean ho korente ba direita iha loja ne’ebé estabelese iha iha timor-Leste, faan sasan osan mean ho korente, labele gasta osan hola buat faan iha dalan, tanba sasan sira ne’e balun falsu.

“Ita husu PNTL halo invetigasuan klean, atu sidadaun estrajeiru sira tama mai Timor-leste labele lohi povu ho sasan sira ne’e ikus mai la uza hodi soe ba lixu, tanba ne’e PNTL tenki kontrola bainhira kaptura sira presiza koko sira nia sasan ho ekipamentu sira hodi detekta sasan sira ne’e osan mean atu sira labele lohi povu,” hakotu nia.

Molok ne’e Ekipa Konjunta Polisia Nasional Timor-Leste (PNTL), hamutuk ho Servisu Informasaun Militar (SIM), F-FDTL no Departamentu Informasaun Polisia (DIP) PNTL, Kaptura sidadaun Indonezia Nain 8 Viola Vistu Turista Faan Korente, osan mean, kadeli ho Brinkus iha Aledia Naeboruk, Suku, Uma Wain Karik, Postu Administrativu Vikeke Villa, Munisipiu Vikeke.

Tuir Infromasaun ne’e Jornal INDEPENDENTE Asesu iha loron 29/05 tuku 10:40 autoridade segurante PNTL, kaptura sidadaun Indonesia mane nain (8), utiliza kaer pasaporte foto kopia iha liman ho motorizada 8 viola visa turista faan sasan.

Entretantu sidadaun indonesia nain (8), ne’e mane ho naran inisial, AAA idade (45), DP idade (36), M idade (42), H idade(47), IMP idade(24), RTES idade(23), YA idade(31) no TE idade(38), dadaun ne’e, autoridade seguransa asegura  ona sira ho evidensia inklui motor (8), iha Komandu PNTL Munisipiu Vikeke.

Rate this item
(0 votes)

Independente Digital TV