Sekretáriu Jerál IFRC, Jagan Chapagain hatete, nia parte hasoru malu ho priemru MInistru Kay Rala Xanana Gusmão hodi diskute asuntu barak ne’ebé foku liu bá área umanitaria.
“Hasoru malu ho Primeiru-Minstru diskute asuntu barak, maibé foku liu bá área umanitaria. Primeiru-Minsitru enfaze barak liu maka foka bá dezenvolvimentu juventude, liu-liu oinsa halo mudansa iha hanoin, ideia, hahalok, liuliu juventude nia papel bá dezenvolvimentu nasaun nian,” dehan Jagan Chapagain ne’ebé komunikadu imprensa ne’ebé Online INDEPENDENTE asesu iha GPM, Sesta (22/11).
Tuir komunikadu ne’e haktuir, Federasaun Internasionál Cruz Velmelha servisu besik ho CVTL atu bele haree área asisténsia umanitária nian liu-liu situasaun emerjénsia, saúde, juventude, bee-moos no área sira seluk ne’ebé liga direta ho komunidade.
Prezidente CVTL, Madalena Hanjam reforsa, Cruz Vermelha Internasionál apoia umanitária bá TL desde tinan 1975 mai to’o agora. Iha 2005 CVTL hamrik nu’udár organizasaun ida no sai ona membru bá federasaun.
“Apoiu ne’ebé Cruz Vermelha Timor-Leste halo bá populasaun maka dada bee-moos, juventude, mobilizasaun doasaun ran no seluk-tán,” dehan Madalena Hanjam.
Juventude TL ho volutáriu iha CVTL besik rihun-rua, maibé númeru ne’e la fiksu tanba balun no tama balun sai.
