Nia dehan, Estadu Timor-Leste presiza valoriza sidadaun hirak ne'ebé apoiu nasaun ne'e iha tempu okupasaun, aleinde ne'e sira mós iha espiritu solidaridade hodi apoiu povu timoroan.

"Síra hotu hotu tantu estrajeiru, nasionál kontribui kontribui makas los ba  Nasaun ida ne'e, uluk iha  tempu luta depois de independensia  síra fo fuan atu ajuda povu tuir espíritu solidaridade iha ne'e ita haree testamuña  prémiu kondekorasun ba saserdote, edukadór sira no emprezáriu balun, hanesan Lourenco Oliveira ne'ebé hanesan pioneiru ba aviasaun komersiál aero Dili, Sansão Gomes, Eduardo Belo, Gatok Jeckson Lay sira hotu-hotu hanesan inspiradór ba nasaun ida ne'e," dehan PR Horta, iha Palasiu Nobre, Lahane, Sesta (19/5).

Nia fó, exemplu Marito Gamboa koñesidu, Bandido Kualidade no mós emprezáriu timoroan balun mak kontetór Portu Tibar.

Nune'e Xefe Estadu agradese ba membru governu sira ne'ebé akompaña seremónia kondekorasaun heroi sira nian.

Entrerantu seremónia kondekorasaun ne'e partisipa husi Prezidente Tribunál Rekursu (PTR), Deolindo dos Santos no mós membru governu hanesan Ministra Saúde Odete Maria Freitas, Ministru Edukasaun Juventude no Desportu (MEJD) Armindo Mais, Ministru Prezidénsia Konsellu Ministru Fidelis Leite Magalhaes.