“Iha preokupasaun balun mai hosi korpu diplomatiku, jornalista, obsevadór seluk kontaktu ha’u, sira husu informasaun, esklaresimentu ruma, tanba sá mak la-iha informasaun transparante, instantáneo, kada kontanjen tenke media tomak iha asessu, signifika iha fallansu ho STAE, fallansu ne’e STAE tenke esplika ida ne’e,” dehan Xefe Estadu, iha komukadu ne’ebé Online ne’e sita.
Xefe Estadu mós preokupa ajustamentu rekursu humanu iha Sekretariadu Tékniku Administrasaun Eleitorál – STAE, hodi hasai tékniku experiensiadu, antes eleisaun parlamentár akontese, tanba ne’e, Xefe Estadu promete halo auditoria.
“STAE hasai tiha ema ne’ebé mak iha esperiénsia barak, tau ema foun, hanesan politizadu, ex deputadu balun mak ba iha ne’ebá hatene saida, la-iha atualizasaun, manutensaun ba ekipamentu, ha’u pessolmente sei halo auditoria, la’os ko’alia halimar, depoiz momentu propriu mak ha’u hateten, kriterius no se mak halo auditoria,” Fundamenta.
Maske povu hakmatek akompaña rezultadu eleisaun, maibe Xefe Estadu preokupa ho desizaun autoriza mídia RTTL.EP de’it mak transmite ho direitu rezultadu apuramentu, no ba Xefe Estadu, desizaun ne’e bele prejudika imajen Timor-Leste ne’ebé iha indise demokrasia di’ak liu iha Àzia.
“Foin lalais ne’e, ha’u hatete loron ida rua liu ba (loron restaurasau indenpendésia 20 de Maio), ha’u fo parabens ba CNE no STAE no ha’u hateten ne’e la’os final maibé ita sei haré lai, kuandu eleisaun rua ne’e remata, komportamentu di’ak depoiz mak ita bele fo parabens” argumenta Xefe Estadu.
