Ministru Estadu Konselleiru Seguransa Nasionál, José Ramos Horta, hateten pozisaun Governu hein desizaun husi Prezidente Repúblika foti desizaun ba eleisaun antesipada nune’e fó konfiansa ba partidu ida hodi ukun povu ho nasaun ne’e.
Tuir nia, dalan di'ak mak regula ho eleisaun antesipada, bainhira rezolve ho dalan seluk mak laiha solusaun di'ak hodi hetan desizaun ida atu foti.
“Ha'u hanoin ita hotu devia simu eleisaun antesipada”, dehan eis Prezidente Repúblika ne’e.
Ne’e duni, Governu ne’e mós hein de'it desizaun husi Xefe Estadu hodi forma Governu foun karik eleisaun antesipada ne’e akontese.
