HNGV Rejista Kankru Serviks 200 Featured

By Adelaide dos Santos Maiu 20, 2023 752
Moras kankru serviks. Foto:Google. Moras kankru serviks. Foto:Google.

DILI: Tinan ida, hahú hosi 2022 to'o agora Hospitál Nasional Guido Valadares (HNGV) liu hosi Obstetrisia Gynekolojia (OPD) rejista moras kankru serviks hosi inan feton sira hamutuk 200.

Koordenadora OPD Obstetrisia Gynekolojia no Responsável bá Kolooskop Senter, Parteira Senitr Clotille Neves de Sousa hateten, iha ezaminsaun ne’e profisionál saúde sira detekta inan feton balun grave ona no haruka ba hala’o tratamentu iha Indonézia hodi kontinua ba hala’o operasaun.

“Desde ita estabelese sentru kolposkopy iha HNGV iha tinan 2022 to'o agora, ita halo ezaminasaun ba ita-nia inan feton sira hamutuk 200 mak hetan pozitivu ba moras kankru serviks,” nia hateten iha HNGV, Kinta (18/05/2023).

Hosi númeru ne'e na'in neen mak labele hala’o tartamentu tanba ekipamentus radioterapia seidauk kompletu, nune'e tenke haruka bá hala’o tratamentu iha Indonézia.

Rekursu umanu iha sentru kolposkopy sufisiente hela hodi atende pasiente sira ne'ebé mak hala’o ezaminasaun ba moras serviks ida ne'e no ekipamentu halo ezaminasaan  sufisiente maibé kona-ba operasaun nian mak seidauk sufisiente.

Nia husu ba Governu katak se de’it mak ukun nafatin atu investe makas ba iha seitór saúde, tanba populasaun barak mate, menus koñesiementu ba saúde no ekipamentu mediku laiha atu apoia sira-nia saude.

Diretor Klinika HNGV, Marcelo Correia rekoñese katak, ho ekipamentu ne’ebé menus atu halo operasaun ba pasiente ho moras kankru serviks maka Ministériu Saúde liu hosi Hospital Nasionál Guido Valadares (HNGV) halo transferénsia pasiente sira ba estranjeiru hodi halo tratamentu.

Pasiente ne'ebé atu ba hala’o tratamentu iha estranjeiru 200 resin ne'e aprova ona hosi juntamédika, tanba sira prienxe ona kritériu ne'ebé estabelese hanesan rekursu umanu no seluk tán.

Rate this item
(0 votes)

Independente Digital TV