Xefe Estadu Maiór Jenerál FALINTIL-Forsa Defeza Timor Leste (F-FDTL), Majór Jenerál Lere Anan Timur hatete, bainhira hasa’e profisionalizmu militár tenke responde ho alargada hodi serve ba Estadu ho povu ne’e ho dignu.

Nune’e, nia dehan, meius maka atu uza ba komponente ida-idak hodi kumpre ninia misaun atu hasa’e profisionalizmu.

Eis-gerrilleiru ne’e dehan, fasilidade ne’ebé Komponente Navál uza seidauk sufisiente hodi responde hodi asegura tasi Timor nian.

“Atu hasa’e profisionalizmu militár nian, tenke kria fasilidade ho dignu”, dehan nia, iha ninia diskursu iha Komponente Navál-Hera, horisehik.

Nia dehan, daudaun ne’e forsa armada sira, liuliu ba komponente sira hodi servisu ho dignu iha instituisaun F-FDTL.

Nune’e, Jenerál Lere esklarese katak, bainhira fasilidade sira ne’e maka governu kria ho dignu, bele ona aumenta abilidade servisu militár nian kada komponente.

Bainhira Komponente Navál nia kondisaun maka Governu trata ho dignu, konserteza forsa armada sira hetok profisionál iha misaun ne’ebé sira kumpre.

Tanba ne’e, Lere husu ba polítiku na’in sira tenke responde di'ak ezijénsia forsa armada nian, tanba militár maka lutu ba nasaun nian.