Husi númeru sentru votasaun ne’e, iha rai laran estasaun votasaun hamutuk 1.112 no iha rai li'ur hamutuk neen (6).
Diretór Jerál STAE, Acilino Manuel Branco hateten, sentru votasaun iha rai laran identifikadu ona, ne’ebé sei monta iha suku no aldeia. Nune’e, iha rai li'ur nian mak Austrália, Inglaterra, Portugál no Koreia Súl.
Entretantu, tuir rezultadu resenseamentu no atualizasaun baze dadus ne'ebé STAE iha tinan 2016 no 217 totál eleitór hamutuk 744.613.
“Depois eleisaun Prezidensiál hotu ita rejista tan, ne'ebé iha prosesu resenseamentu ne'ebé ita halo ninia totál maka 774.613”, dehan Acilino iha ninia knaar fatin Kaikoli-Dili, horisehik.
Nia dehan, tanba depois eleisaun parlamentár no liu tiha eleisaun prezidensiál ne’e iha barak mak muda ninia kartaun eleitorál nia hela fatin no barak mak mai rejistu foun.
