Ministru Agrikultura Pekuaria, Peska no Floresta, Marcos da Costa hateten, area potensial ba natar hamutuk 8000 mill etares, maibé natar ne'ebe kultivu foin indetifika kuaze 37 mill etares.
"Atu aumenta produsaun, ita labele la'o ho natar kultivu 37 mill eteres ne'e, maibé tenke loke tan area pontesial balun ho programa estedefikasaun," informa Ministru Marcos ba Jornalista INDEPENDENTE iha salaun MAPPF Komoro, (04/09).
Nia fó ezemplu, natar hirak ne’ebé atu loke tan mak hanesan natar balun Oebaba, Raibere no Karau Ulun, tanba irrigarasaun diak ona, maibé rai seidauk funsiona kultiva ne'ebe presiza tenke loke natar ne'e halo laun tan.
MAPPF nia esforsu ba oin oinsá loke natar ne'ebe balun abandona hela durante ne'e, maibé tenke kuda haré ho metodu ka pratika agrikultura ne’ebé di’ak.
Nia dehan, bainhira loke natar luan kuda haré tenke liña, depois aplika ho adubu no aimoruk ne'ebe tuir nia metodu hodi nune’e bele hasa’e produsaun iha rai laran.
Tuir nia, natar ne'ebe abandona iha Karau Ulun hamutuk kuaze 1000 ektares, Oebaba abandona kuaze 2000 resin ektares ho Raibere kuaze 200 ektares.
