Prezidente Autoridade Protesaun Sivil (APS), Timor-Leste, Superintendente Polísia Ismael da Costa Babo hateten, objetivu husi atividade workshop ida ne'e atu halo validasaun ba enkuadramentu sandai nu'udar instrumentu ida ba implementasaun kona-ba prevensaun Risku Dezastre iha Timor-Leste.

Asuntu ida ne'e importante tebes, APS guia husi lei seguransa nasionál ho lei protesaun sivil mak sai jestor hodi halo planeamentu no koordensaun politika ba protesaun sivil liliu ba asidenti grave no kadestrol.

"Objetivu ohin ne'e ita halo konsultasaun intermu ba estrutura APS, molok ita submete relatoriu ne'e ba iha UN, ho nia konteudu istoria, objetivu no misaun ne'ebé kontribui ba iha redusaun risku dezastre ne'ebé mak mai husi padraun Nasoens Unida nian," dehan Babo  ba jornálista sira iha salaun APS Kaikoli Dili (05/09).

Nia dehan, dezastre naturais faz parte husi komponente ne'ebé kompetensia ba autoridade protesaun sivil, ho nune'e mak TL hetan apoiu husi UNDRR Asia no Tailandia hodi nomea nia peritus internasional ida ho nasional ida ne'ebé, tanba  internasional termina ona nia misaun no hela nasional mak atu servisu hamutuk ho governu atu elabora relatoriu ne'e.

"Relatoriu ne'e ita halo ona konsultasaun iha Autoriedade lokal sira iha Munisipiu Ermera reprezenta ita nia teritoriu no RAEOA, no relatoriu ne'e finaliza ona no ohin halo validasaun konsultasaun intermu estrutura APS nian," informa nia.

Tanba ne'e, faze tuir mai APS sei halo konsultasaun ba faze validasaun ba liña Ministeriais ne'ebé hetan kompetensia husi lei protesaun sivil nune'e halo konsultasaun ba parseiru dezenvolvimentu, ajensia nasoens unidas no NGO nasional ho internasional  sira antes submete ba konsellu ministru liu husi Ministeriu Interior, Depois hetan tiha rezolusaun ida antes submete ba UN Nova yorke liu husi Ministeriu Negosiu Estranjeiru.

Nia dehan, iha siklu dezastre UN nian fó ba TL atu banati tuir iha siklu tolu hanesan, antes dezastre halo metigasaun intervensaun ba dezastre, tanba  ne'e durante dezastre oinsa halo jestaun ne'ebé mak diak ba resposta emerjensia no depois dezastre mekanismu oinsa mak atu rekopera sidadaun sira fila ba vida normal.

"Ho nune'e mak relatoriu ne'e ita sei kosta asnuntu sira ne'e hotu iha relatoriu ne'ebé kontribuisaun TL ativamente hodi asegura no relatoriu Sendai Framework liu liu ba redusaun risku dezastre no mos jestaun ba dezasre nian," dehan nia.

 Tanba ne'e atividade Workshop ne'e mos hanesan parte ida atu kapasita rekursu umano APS  ba internu atu halo sosializasaun no halo formasaun ba populasaun sira ne'ebé partisipa ativamente ba prevendsun, tanba dezastre ne'e nain ba ema hotu.

"Workshop ida bele Kapasita mós rekursu Humanu APS nian atu bele halo sosializasaun no halo formasaun ba ita nia populasaun sira ne'ebé mak pasrtisipa ativamente iha prevensaun, tanba dezastre ne'e nain ba ita hotu," Tenik nia.

Iha fatin hanesan, Representante UNDRR Cirilio de Jesus Babo Baptista hatete,  UN Office for Disaster Risk Reduction (UNDRR),  mosu mai Timor nia servisu ne'ebé halo ona koperasaun ho APS iha  tinan hira liu ba, maibe agora dadaun foin halo servisu direitamente ho koordenador resistensia ne'ebé hetan oportunidade atu ajuda APS iha fatin ida ne'e.

"Ami nia Servisu, durante  mandatu ami sei halo servisu ajuda APS fornese guia téknika no servisu tékniku ruma ba iha Konsellu, ida ne'e mak UNDRR halo iha APS nia mandatu hare liu ba redusaun risku dezastre nian oinsa atu bele akonsella APS hodi bele halo programa ruma ne'ebé mak Relasaun ho redusaun  risku dezastre naturais," hakotu nia.