Koordenador Ekipa Kulturál Parokia Imakulada Kurasaun Maria Maubisse (PIKOMA), João da Costa Abosa hatete, iha labarik nain 37 ne’ebé prepadu hodi bidu simu Amu Papa.
Ema nain 37 ne’e laos husi Postu Administrativu Maubisse de’it maibe husi Postu Administrativu seluk mos hanesan Hatobuiliko, Hatudu no Ainaro Vila.
“Ami tuir de'it fatin ne'ebé mak Komisaun Organizadora indika, entaun aban ami ba fatin ne'ebé mak indika iha arku boot ne'ebé reprezennta kada Munisipíu," nia dehan iha fatin akantonametu Hudi Laran, Domingu (08/09).
Nia fundamenta, PIKOMA reprezenta Munisipíu Ainaru tanba hetan fiar husi Padre Parókia Maubisse no Komisaun sira.
"Kona-ba preparasaun ami prepara semana ida ona tanba konfiansa ne'ebé fó husi Amu Paróku Maubisse katak ami 37 pesoas ne'e kompostu husi Postu haat ami prontu hodi bidu simu Santu Padre iha ita-ria rain doben Timor-Leste," nia dehan.
Kulturá Maubisse nian ida ne'e reprezennta Kulturá tomak husi postu administrativu haat iha Munisípiu Ainaro.
"Identidade Kulturá Maubisse nian maibé ida ne'e aprezenta simbolikamente Munisipíu Ainaru, parese ke kada postu aprezenta simbolikamente."
Ho prezensa Amu Papa iha TL, nia hein katak sei lori dame, pas no unidade ba Timor-oan tomak.
Importante mos, Joao dehan, ho rezensa Papa bele fó korajen ba Governu atu nune'e bele dezenvolve nasaun ne'e di'ak liu tan, nune'e povu Timor-Leste bele moris iha prosperiedade nia laran.
