Sekretáriu Estadu Ensinu Sekundariu Jerál no Téknika Vokasionál, Domingos Lopes Lemos hatete, Ministériu Edukasaun ohin hamutuk ho Governador Hunan husi nasaun Xina asina memorandu entendementu (MOU), ida konaba livru hirak ne'ebé sira atu ba estudante sira ensinu Sekundária Tékniku Vokasionál nian.
“Sira apoiu ita iha parte doasaun ba livru, depois mos ekipa Institutu siensia Teknolojia ka dizitalizasaun ba eskola sira, tanba ida ne'e mak ohin sira mai halo memorandum ida ho ME hodi kopera iha parte ensinu tekniku vikasional nian liliu dizitalizasaun ba eskola sira iha ita nia rain,” dehan Sekretariu iha Salaun VIP-ME Villa-Verdi, Sesta (08/09).
Sekretáriu Estadu esplika, iha memorandu ba doasaun livru nee koperasaun entre Ministeriu Edukasaun ho governu Xina durante tinan ida, bainhira hare ba nia mandamentu nee mak diak entau sei kontiua nafatin.
Enkuantu, konaba livru nee hakerek ho lian Xina maibe ida nee la sai problema tanba ema barak mak halao ona estudu iha nasaun Xina hodi aprende sira nia lian.
Entretantu, livru hira nee Ministeriu Edukasaun seidauk iha planu atu distrubui ba eskola sira maibe sira sei hare hodi halo jestaun neebe diak atu nunee estudante sira bele utiliza ho masimu.
