Tuir Diretúr Jeral Ministeriu Turizmu José Quintas katak, iha lei tolu mak moru na’in ne’e viola, parte área protezida nian no ida mak kona-ba identifikasaun resensiamentu ka laiha lisensa ba konstrusaun.

Tanba bazeia ba artigu 44/2008 atu halo buat ida tenke iha lisensa ida ne’e kabee ba ha Ministériu Dezenvolvimentu Reforma Institusional no ida tan mak lei kona-ba ambientel nian.

Diretúr ne’e informa, antes ne’e husi autoridade lokal sira mós hatete ona ba ema sira harii moru ne’e katak rai ne’e estadu nian maibé iha altura ne’eba sira la responde, no sira notifika dala hira maibé laiha responde husi na’in ba moru ne’e.

“Governu mós responde lalais harii kedas akta deliberasaun ida hodi forma interministerial hodi haree ba asuntu ne’e hodi rekola dadus notifika tan no ikus liu mak fó tempu fulan ida ba maluk moru na’in, maibé (moru na’in) lakoi kopera, tanba ne’e foti asaun,”dehan nia ba jornalista sira bainhira ho sira nia akipa ba Sobu moru iha Parte Dolok-Oan Sesta (16/02).

Parte turizmu nian haree fali ba iha dekretu lei numeru 24/2014 iha artigu 10 kona-ba fatin turistika, maibé iha ne’eba sedauk iha identifikasaun klaru maibé área ne’e responsavel protejida haree katak tasi ibun ne’eba nu’udar públiku bele asesu ba ema hotu no haree ba lei teras propriedades la fó espasu.

Konaba dokumentus komprovativus rai ne’e asuntu ketak no konstituisaun mós asuntu ketak tanba iha nasaun RDTL iha lei ba área protezida signifka kontrusaun ne’ebé harii tenke iha lisensa no Xefe suku rasik mós laiha informasaun konaba moru ne’e.

Iha fatin hanesan Agvogada Adelina Melo de Jesus Lobo hatete, hanesan advogada ne’ebé hetan fiar husi nia kliente atu mai asisiti prosesu ezekusaun mai atu asegura de’it kliente nia direitu.

“Ami laiha kompetensia no direitu atu halo empedimentu servisu autoridade publiku nian hodi halo rahun ema nia sasa ne’e laiha problema, maibé ami konfirma kata ami nia kliente iha dokumentu komprovativu bele justifika katak ida ne’e nia proriadade no iha direitu ba obra ne’ebé harii,”dehan nia.

Nia dehan, autoridae iha kompetensia hakarak sobu duni hanesan adovogadu haree liu ba iha kliente nia direitu katak nia obra ema estragu ne’e konsidera katak danus agravadu no hatoo prosesu ne’e ba iha MP no sira sei halo denunsia no restaura asaun ba iha tribunal hodi kontra despassu ne’ebé iha hodi rekere fila fali sira nia kliente nia direitu.

Tanba kliente iha dokumentus komprovativus antes kedas la’os lei foin mosu nia foin justifika maibé ida ne’e dezde tempu Indonezia nian.