Governu Nomeia Rogério Tiago Lobato Lidera RAEOA ba Tinan Lima Featured

By Ekipa INDEPENDENTE Janeiru 24, 2024 1268
Reuniaun Konsellu Ministru, neebe diriji husi PM Kay Rala Xanana Gusmao. Foto:Dok/Media GPM. Reuniaun Konsellu Ministru, neebe diriji husi PM Kay Rala Xanana Gusmao. Foto:Dok/Media GPM.

DILI: Governu liu husi reuniaun Konsellu Ministru, kuarta ne’e, aprova ona projetu rezolusaun dahuluk Governu nian ne’ebé aprezenta husi Primeiru Ministru Kay Rala Xanana Gusmão hodi nomeia Rogério Tiago Lobato hanesan Prezidente Autoridade Rejiaun Administrativa Espesiál Oecusse Ambenu (REAOA) ba mandatu tinan lima.

Tuir komunikadu ne’ebé Online INDEPENDENTE asesu iha portál Governu katak, Rogério Tiago Lobato hanesan Prezidente Autoridade RAEOA, ba mandatu tinan lima nian, ho misaun prinsipál atu superviziona atividade sira desentralizasaun nian, eduka no mobiliza populasaun lokál ba envolvimentu konxiente ida ba iha dezenvolvimentu ekonómiku Enklave Oecusse Ambenu nian.

Aleinde ne’e, nomeia mós sidadaun sira ba membru Autoridade RAEOA nian ba mandatu tinan lima maka hanesan tuirmai ne’e: André Lao, hanesan Sekretáriu Rejionál ba Administrasaun, Elvira Manat, hanesan Sekretáriu Rejionál ba Finansas, Luís de Jesus Neno, hanesan Sekretáriu Rejionál ba Saúde, Inácia Tamele, hanesan Sekretária Rejionál ba Edukasaun no Asuntus Sosiais, Filomena Sila, hanesan Sekretária Rejionál ba Agrikultura, no Marcelino Marques Coro, hanesan Sekretáriu Rejionál ba Terras no Propriedades, Rejistu no Notariadu.

Rezolusaun Governu dahuluk ne’ebé aprova ona ho nia objetivu atu nomeia Prezidente no membrus Autoridade Rejiaun Administrativa Espesiál Oecusse Ambenu (REAOA).

Rezolusaun Governu ne’e ko’alia liu kona-ba nesesidade reestruturasaun no autonomia ba RAEOA tuir proposta iha Programa Governu nian, ho objetivu atu rekupera konfiansa populasaun nian, rekupera dinamizmu iha dezenvolvimentu ekonómiku no estabelese relasaun konfiansa ho interveniente sira hotu, populasaun, parseiru no parte interesada sira selu.

Aleinde, Governu mos aprova Projetu daruak Rezolusaun Governu nian, ho Objetivu atu kria Komisaun Ezekutiva ida hodi haree aleinde ba estabelesimentu Zona Ekonómika Dezenvolvimentu Espesiál ida iha Oé-Cusse Ambeno.   

KM nomeia João Mendes Gonçalves hanesan Koordenadór Komisaun, enkuantu dezigna Régio da Cruz Salu no Herculano de Sousa hanesan Vise-Koordenadór.

Rate this item
(0 votes)

Independente Digital TV

Tuir ami iha Twitter

Kalendariu Notisia

« May 2024 »
Mon Tue Wed Thu Fri Sat Sun
    1 2 3 4 5
6 7 8 9 10 11 12
13 14 15 16 17 18 19
20 21 22 23 24 25 26
27 28 29 30 31