Porta Voz husi Ekipa Integradu Ministériu Saúde Vidal de Jesus Lopes hatete, konaba preokupasaun rekursu humanu ba saúde nia menus atu atende pasiente sira, iha Hospital Nasional Guido Valadares (HNGV).
“Rekursus humanu dadaun lao hela, no iha HNGV konklui ona aban (ohin) 24 janeiru 2024, posivelmente entrega ona hamutuk 229 hodi responde ba lakunas sira ne’ebé iha ka fatin sira ne’ebé mamuk hela hodi fo prestasaun servisu diak liu tan ba ita-nia povu tomak emjerál” dehan Vidal liu husi Konferensia imprensa ne’ebé halao iha salaun INFPM Kampu Alor, Tersa (23/01).
Porta Voz akresenta, konaba ba rekursu humanu ba munisípiu, INFPM no Diresaun sira dadaun ne'e prosesu rekrutamentu no intervista la'o hela tan ne'e to'o loron ikus fulan Janeiru bele konklui ona.
Tuir planu sei loke total vaga 648 pesoal saude ba munisípiu sira no total vagas 76 ba INFPM, 246 ba Diresaun Nasional iha Ministériu saúde nian.
Enkuantu, ba públiku nia prekupasaun kona-ba rekrutamentu iha HNGV ne'ebé dehan selesaun dokumentu laliu maibé rezultadu ikus naran iha fali.
Nia Dehan, tanba sira iha selesai dokumentus entau sira tama ba reklamante no entaun sira halo kompleta fila fali sira nia dokumentus, ikus mai sira liu iha selesai dokumentus maibé la republika fali no iha intervista sira nia naran sak públiku kestiona.
"maibé reklamente ne'e hatama dokumentu hodi tuir fali prosesu normal ikus mai sira liu iha selesaun dokumentu, no prblema mak la reanunsia hodi la públika fila fali, maibé iha Intervista mos sira liu," katak Porta Voz.