Tuir Sekretáriu Estadu Komunikasun Sosiál SEKOMS, Expedito Dias Ximenes hatete, mai iha Governu Timor-Leste ne’ebé fo apoiu ba kontrusaun edifisiu sentrál ba RTTL ne’e sei hahú iha tinan 2024 no remata iha tinan 2026.
‘‘Governu japaun ohin mai fo hatene mai iha governu Timor-Leste no SEKOMS katak prepara ba iha kontrusaun prontu ona, agora hein deit bainhira mak konstrusaun edifísiu estudiu multi funsaun ne’ebe agora mós besik hotu ona iha Caikoli.’’ Dehan Expedito Dias Ximenes, ba jornalista sira, iha Gabinete SEKOMS , Tersa (23/01).
Nia dehan, Bainhira estudiu multi funsaun iha Caicoli ne'e remata no edifisiu rua ne’ebé sei dadaun iha kaikoli ne’e sira sei halo rahun tiha no depois halo konstrusaun foun ba RTTL ne’ebe hetan husi govenu japaun.
‘‘Sekretariu Estadu Komunikasaun Sosial SEKOMS ho Prezidente Radio Televizaun Timor-Leste, Empreza Públika (RTTL-EP), husu ba governu Japaun liu-liu ba projeitu kompaña empreza ne’ebe atu hala'o konstrusaun ne’e, tanba ita hotu hatene orsamentu governu japaun nian maibé sei entrega ba iha UNDP atu bele halo prosesu tenderizasaun prosesu ne’e lao dadaun husi UNDP katak tinan ida ne’e sei halao konstrusaun.’’ salienta nia.
Nia Afirma tan, Tantu iha Orsamentu $6 millaun ne’e sei apoiu tan ba konstrusaun edifisiu sentral ba fromasaun jornalista RTTL nian.
‘‘Espesial formasaun ba jornalista RTTL sira ne’e ami husu atu fokus liu ba iha formasaun ho karakter investigativu, tuir primeiru ministru nia pedidu iha momentu serimónia 12 de Janeiru liu ba katak jornalista sira laos deit atu halo notisia ne’ebe ladun klean maibe sei presiza halo notisia ne’ebe klean,’’ hakotu nia.
