Tuir Presidente Institutu Nasionál Kombate HIV-SIDA IP, Atanasio de Jesus hateten, ho mandatu ida ne’e, institutu sei nafatin dezemina informasaun ba iha komunidade, liu-liu komunidade sira iha área rurais, tanba dala barak komunidade hirak ne’e menus informasaun no koñesimentu kona-ba moras HIV-SIDA.

"Planu asaun ba institutu nasional kombate HIV/SIDA ninian ne'e, planu sei ba munisipiu no ba iha suku sira hotu, liu-liu iha tinan kotuk ita hare institutu nasional kombate HIV/SIDA  ba liu iha area remotas no suku sira, hodi  fahe informasaun ba ita nia komunidade sira,"dehan nia salaun MSSI, tersa nee (25/01).

Tanba nee, Institutu Nasionál sei hala’o mós fiskalizasaun no monitorizasaun maka’as liu tan, hahú husi 2003 to’o 2022 ba orsamentu sira ne’ebé doadores sira apoiu mai Timor-Leste hodi halo avaliasaun, nune’e bele hatene ninia ejekusaun no ninia  atinjimentu servisu.

Iha biban ne’e, Ministra Solidariedade Sosiál no Inkluzaun, Armanda Berta dos Santos hateten, ho kriasaun institutu hirak ne’e bele iha ona autónomu finanseiru, administrasaun no bele jere rasik sira nia patrimóniu. Ho kriasaun institutu ida ne’e mós bele fó ona kompetensia ba sira atu bele dezeiña rasik sira nia programa no halo advokasia nomós halo dezeminasaun ne’ebé di’ak atu bele prevene moras HIV/SIDA.

 Ministra hatutan, Governu iha komprimisiu bo’ot tebes hakarak halo prevensaun ba moras HIV/SIDA.

Nunee,  Ministra hato’o parabéns ba emposadus sira no husu atu hametin nafatin liña kordenasaun hodi hala’o servisu ne’ebé di’ak liu tan iha futuru.

Asistente Editor: Saturnina da Costa