“Projetu Rezolusaun Governu ida-ne’e reafirma kompromisu Governu Konstitusionál IX nian liuhusi promove inkluzaun no defende direitu ema ho defisiénsia, garante elaborasaun no submisaun relatóriu inisiál kona-ba implementasaun Konvensaun ne’ebé Timor-Leste ratifika iha fulan-janeiru tinan 2023,” dehan komunikadu  Ne’ebé Online INDEPENDENTE asesu iha Pajina Ofisial PCM, Kuarta (05/02.)

Komunikadu ne’e hatutan, dokumentu ne’e sei aprezenta medida sira ne’ebé Estadu adopta ona hodi hametin inkluzaun no progresu ne’ebé alkansa ona iha área ida-ne’e no tenke konklui iha fulan-abríl tinan 2025.

Entretantu, Grupu Traballu Interministeriál ne’e sei dirije no koordena husi Ministériu Solidariedade Sosiál no Inkluzaun no sei kompostu hosi pontu fokál sira hosi departamentu governu nian oioin ne’ebé relevante.