Tuir planu, iha fulan Agostu tinan ida ne’e, Amu Papa Francisco sei hala’o vizita mai Timor-Leste.
Ministru Administrasaun Estatál (MAE), Tomas Cabral hatete, preparasaun atu simu Amu Papa Francisco la'o hela.
"Preparasaun la'o hela, maibé persentajen hira ne'e ita labele dehan tanba derepente mak iha mudansa. Ita-boot sira haree halo hela preparasaun, ita hein anunsia ofisiál, mais preparativu ita book an ho kondisaun no tempu badak ita sei haree palku iha Tasi Tolu, mais atu Papa Francisco mai ka la mai, ne'e Nunsiatura mak sei anunsia," dehan Tomas hafoin enkontru ho Prezidente Repúblika, José Ramos Horta, iha Palasiu Prezidensial Bairo-pite, Tersa (12/03).
Tomas informa, molok Amu Papa mai, ekipa husi Vatikanu sei mai fila fali Timor-Leste hodi haree preparasaun ne’ebé halo ona.
Molok ne’e, iha enkontru ofisial Prezidente Repúblika, José Ramos Horta, ho Amu Papa Francisco, iha 22 Janeiru 2024, Amu Papa hato’o ninia disponibilidade atu vizita mai Timor-Leste.
