Projetu Rezolusaun ne'e aprezenta husi  Primeiru-Ministru, Kay Rala Xanana Gusmão.

“Alterasaun ida-ne'e estende mandatu Komisaun Ezekutiva nian ba fulan tolu tan, to'o fulan-abríl 2025 nia rohan, hodi konsidera kompleksidade hosi misaun ne'ebé atribui no nesesidade atu kompleta knaar esensiál sira ne'ebé sei hala'o hela,”dehan Komunikadu ne’ebé Online INDEPENDENTE asesu, kinta ne’e (30/01/25).

Entretantu, to’o períodu ne’e nia rohan, Komisaun ne’e tenke aprezenta proposta bá enkuadramentu orgániku Zona Ekonómika Espesiál iha futuru, hodi garante nia inkluzaun iha preparasaun síklu orsamentál 2026 nian.