Governu Deskarga ona Foos Saka rihun 88 resin iha Postu Tibar

Jullu 27, 2024

Governu Deskarga ona Foos Saka rihun 88 resin iha Postu Tibar ^Featured

By Ivonia Varela Fevereiru 02, 2024 841

Governu liu husi Ministeriu Komersiu no Industria hamutuk ho AIFAESA, observa hela deskargamentu fos Saka rihun 88 resin iha Postu Tibar. Foto:Media MKI.

DILI: Foos ho marka MCAE ho kuantidade 25kg ne'ebé importa husi nasaun Kambodia tonelada rihun rua (2.000 mil) to'o ona Timor-leste. Nune'e Governu liu husi Ministeriu Komersiu no Industria deskarga hela fos Saka rihun 88 resin iha Postu Tibar.

Tuir komunikandu ne'ebé Online INDEPENDENTE asesu katak, IX Governu Konstituisional liuhusi Ministériu Koordenadór Asunto Ekonómiku hamutuk ho Ministériu Komérsiu no Indústria halo deskargamentu foos importasaun husi Nasaun Cambódia rihun rua (2.000) ne'ebé ho kuantidade 25kg ho saka 88.480 ba fase dahuluk iha Portu Tibar.
'' Fo'os ne'ebé ita Sosa husi Governu Kambódia liu husi Kompañia Green Trade Campany (GTC) ne'e hatudu Inisiu husi relasaun Merkadu entre Timor-leste ho Kambódia',"dehan MKI liu husi komunikandu ne'ebé Online INDEPENDENTE sita iha kinta feira ohin.
Enkuantu, Foos importasaun hirak ne'e sei armazena iha armajen Sentru Lojístika Nasionál (CLN) iha Tibar no serve hanesan reserva hodi bele responde ba situasaun emerjensia sira nian, nomos meius ba normalizasaun folin foos iha rai laran.

Rate this item

(0 votes)