Governu Aprova Proposta Lei Reforma Obrigatóriu ba Idade 60 Featured

By Ivonia Varela Abril 24, 2024 258
Reuniaun Konsellu Ministru ne'ebe prejidi husi Primeiru Ministru Kay Rala Xanana Gusmão. Foto:Portal Governu TL. Reuniaun Konsellu Ministru ne'ebe prejidi husi Primeiru Ministru Kay Rala Xanana Gusmão. Foto:Portal Governu TL.

DILI: IX Governu Konstituisionál liu husi reuniaun Konsellu Ministru (KM) aprova projetu proposta lei ba autorizasaun lejislativa kona-ba fiksasaun limite idade relasiona ho servisu funsionáriu públiku no ajente administrativu sira.

Ministru Prezidénsia Konsellu Ministrus ein ezersísiu, Vise-Ministru Asunto Parlamentares, Adérito Hugo da Costa hatete, governu nia objetivu ba projetu proposta lei ida-ne’e mak atu Parlamentu Nasionál (PN) autoriza hodi fiksa limite idade ne’ebé fó kauza ba sesasaun relasiona ho serbisu iha Administrasaun Públika.
"Objetivu husi projetu Proposta Lei ida-ne’e atu estabelese mekanizmu nesesáriu sira ne’ebé fó-dalan atu promove profisionál joven sira iha Administrasaun Públika nasionál, hodi nune’e bele lori kompeténsia foun ba iha funsionalizmu públiku. Renovasaun ba kuadru iha Administrasaun Públika ne’e nu’udar medida esensiál ida atu asegura melloria servisu sira ne’ebé presta ba populasaun," dehan Vise-Ministru iha Palasiu Governu, Kuarta (24/04).
Nia dehan, diskusaun ne'e aprezenta husi Ministeriu Presidensial Konsellu Ministru ho prezensa husi komisáriu Komisaun Funsaun Públiku (KFP) tanba ema hotu hatene KFN nia mandatu atu halo mudansa kona-ba kuadrus legais iha administrasaun Públika nia laran.
"iha aprezentasaun ida ohin hodi fiksa idade fiksu idade 60 ba reforma obrigatoriu ita hotu hatene rejime ne'ebé eziste durante tinan barak nia laran nee laos obrigatoriu durante nee halao sira nia servisu hela iha larekere noa direitu atu reforma," dehan Vise Ministru.
Akresenta tan katak, KFP aprezenta ho detalla tebes razoesn hotu-hotu ho intensaun ida katak atu fó espasu ba rekrutamentu foun sira funsionáriu públiku atu dedika sira-nia servisu iha administrasaun públiku estadu nian.
Enkuantu, proposta lei ne'e aprova ona iha KM maibé sei halo submensaun ba Parlamemtu Nasional depois mak sei pronunsia autoriza ka lae tanba ne’e kompeténsia PN nian.

Rate this item
(0 votes)

Independente Digital TV

Tuir ami iha Twitter

Kalendariu Notisia

« July 2024 »
Mon Tue Wed Thu Fri Sat Sun
1 2 3 4 5 6 7
8 9 10 11 12 13 14
15 16 17 18 19 20 21
22 23 24 25 26 27 28
29 30 31