Diretór Jeral Agrikultura Káfe no Plantas Industria, Martinho Laurentino Soares hateten, Governu anterior tau orsamentu montante millaun $3 hodi halo reabilitasaun kafe no planu reabilita kafe ne’e hamutuk 8000 hetares.
Servisu ne'e iha kestaun balun, ne’e duni foin dadauk Ministru Agrikultura, Pekuaria Peska no Floresta (MAPPF), Marcos da Cruz estabelese ekipa ida hodi servisu hamutuk ho kompañia balun iha prosesu reabilitasaun Káfe.
"MAPPF estabelese ekipa ida hamutuk ho kompañia balun durante ne'e halo servisu prosesu reabilitasaun Káfe hodi halo fali reabiliasaun ba resultadu servisu durante ne'e halo kona-ba Káfe," Dehan Martinho ba jornalista INDEPENDENTE iha nia knaar fatin Komoro, (23/04).
Iha esperensia prosesu ligadu ho problema balun kona-ba servisu la tuir realidade iha terrenu, entaun MAPPF forma ekipa ida hodi halo sira nia servisu kona-ba reabilitasaun ba resultadu ne'ebé iha.
“Foin dadauk ekipa sira finaliza ona prosesu reabilitasaun no aprezenta ona resultadu servisu ba Ministeriu Agrikultura ho Pekuaria, Peska no Floresta (MAPPF), felismente iha tempu ne'eba ha'u la partisipa,” tenik nia.
Agora ba oin governu sei hare posibilidade kontinua servisu kona-ba reabilitasaun no resultadu kafe iha terrenu ne'e diak ka la’e, maibe desizaun ne’e depende husi Ministru.
Atu servisu reabilitasaun kafe ne'e husi orsamentu alokadu tanbá tinan kotuk governu aloka orsamentu montante $3 milloens no orsamentu hirak servisu reabiliasaun husi ekipa Ministeriu ho kompaña balun halo aktividade reabiliasaun resultadu servisu Káfe.
Ita hein prosesu halo pagamentu ba komunidade sira atu nune'e karik sira finaliza ona, oinsá ita hein ba oin iha posibilidade atu kontinua tanbá Ministeriu estabelese halo kontratu ida ho kipa ida husi CALIF tanbá ne'e sira hala'o hela servisu.
Nune'e kontinua servisu hodi apoiu ba komunidade sira ne'ebe to'os na'in ba kkafe, ne'ebé sira iha hadia plantasaun Káfe tanbá kafe ne'e ema barak interese iha merkadu internasional.
Tanbá Káfe ho organiku ho Kualidade diak no realidade iha terrenu kona-ba plantasaun Káfe sira ne'e barak seidauk ifo atensaun masimu ba kafe ne'e rasik tantu husi governu ho komunidade sira.
Tanbá ne'e, Káfe ne'e rasik nia presu iha rai liur diak, maibé, komunidade sira iha terrenu ladun hetan benefisiu liu husi fan kafe ne'e, tanbá Káfe nia presu iha kraik ne'e Kiik lo'os.
Komunidade balun la interese atu kuidadu kafe oan iha fatin, maibé komunidade balun tesi hodi kuda fali buat seluk, tanbá sira laiha benefisiu fa'an kafe.
Tanbá ne'e emprezariu mai husi rai liur atu interese ita nia kafe, tanbá nasaun barak mak gosta kafe iha Timor-Leste, maibé sira nia sistema kuda kafe ne'e exemplu iha Brazil kuda Káfe iha rai laran no ai mahon laiha.
Timor-Leste nia Káfe oan komunidade sira kuda iha ai nia okos, tanbá Kestaun ai samtuku bele fo mahon ba kafe ho kualidade ne'ebé diak no ema husi rai liur gosta hemu kafe Timor nian.
MAPPF estabelese ekipa ida atu reabiliasaun Káfe iha Munisipiu Ermera, Likisa, Aileu, Ainaro, Manufahi, Bobonaro Covalima.
Tinan ida ne'e Ministeriu Agrikultura ho Pekuaria, Peska no Floresta (MAPPF) seidauk prevene orsamentu atu reabiliasaun resultadu kafe iha munisipiu sira, maibé sei orsamentu montante $3 milloens husi governu anterior nian.
