Durante Fulan Tolu, PDHJ Rejista Kazu Hamutuk 49 Featured

By Ivonia Varela Abril 24, 2024 134
Provedór Direitus Humanu no Justisa (PDHJ), Virgílio Guterres. Foto:Dok/INDEPENDENTE. Provedór Direitus Humanu no Justisa (PDHJ), Virgílio Guterres. Foto:Dok/INDEPENDENTE.

DILI: Durante fulan tolu, Provedoria Diretus Humanus no Justisa (PDHJ), liu husi Servisu Asisténsia Públika rejista keixa hamutuk 49 ne'ebé kompostu husi violasaun Direitus Humanu (DH) 18 no violasaun Boa Governasaun (BG) hamutuk 31.

Provedór Direitus Humanu no Justisa (PDHJ), Virgílio Guterres 'LAMUKAN' hatete, bazeia ba artigu 30 husi lei númeru 7/2004, alteradu ho lei númeru 8/2009 ne'ebé ko’alia kona-ba dever atu informa ba públiku.
Tan nee durante fulan tolu, Servisu Asistensia Públika iha PDHJ rejista kazu hamutuk 49 ne'ebé mai husi iha PDHJ nasionál hamutuk 31, Distritál Baukau haat (4), Same ida (1), Maliana 10 no RAEOA 3.
"Husi keisa sira ne'ebé tama prosesamentu ba keixa ne’e mak loke ba investigasaun PDHJ haree katak presiza loke ba investigasaun hamutuk 22, loke ba investigasaun-notisiadu krime iha ida, loke refere hamutuk lima, loke ba mediasaun hamutuk tolu, taka haruka sia (9), taka arkiva ida (1), seidauk realisa KJK ualo (8)," dehan Provedór iha sala Biblioteka, Kinta (24/04).
Provedór afirma, PDHJ liu servisu mediasaun halo ona prosesu pre-mediasaun ba kazu tolu iha Munisípiu Dili, rezultadu hatudu katak kazu ida mak taka haruka kazu rua mak parte rua la konkorda no hein prosesu ba iha Tribunal.
Servisu Diresaun Asistensia Públika (DAP) mos halo servisu hare tuir rekomemdasaun relasiona ho relatóriu final investigasaun hamutuk sia kompostu husi Boa Governasaun tolu no Direitus Humanus neen, ne'ebé lansa ona iha loron 06/02/2024.
"Rezultadu nee hatudu katak relatóriu rekomendasaun hamutuk walo mak implementa ho parsiál husi entidade respodente hanesan PNTL ME no MAE. No iha relatóriu rekomendasaun ida mak sei iha prosesu,"katak Provedór.
Enkuantu, PDHJ mós liu husi Diresaun Investigasaun (DI) finaliza relatóriu avaliasaun Pre-liminar hamutuk 53 ne'ebé kompostu husi BG 36 no DH 18, DI halo ona investigasaun iha Likisa.
No total kazu ne'ebé DI rejista hamutuk 32 kompostu husi BG 19, DH 13. No kazu pendente 2023 hamutuk 43 kompostu husi BG 22 no DH 21). Nune'e kazu ativu ne'ebé loke ba investigasaun ho total hamutu 75.
Aleide nee, DI mos finaliza no produz ona relatóriu investigasaun hamutuk 23, kompostu husi relatóriu badak/arkivu 16, BG 11 DH 5) relatóriu investigasaun finál ho rekomendasaun rua BG Ida no DG ida, seidauk halo publikasaun no RIF sujestaun lima, BG tolu no DH rua.

Rate this item
(0 votes)
Last modified on Kinta, 25 Abril 2024 12:05

Independente Digital TV

Tuir ami iha Twitter

Kalendariu Notisia

« July 2024 »
Mon Tue Wed Thu Fri Sat Sun
1 2 3 4 5 6 7
8 9 10 11 12 13 14
15 16 17 18 19 20 21
22 23 24 25 26 27 28
29 30 31