Enkuantu, liu husi Dektretu lei Governu nian, kona-ba politika pleneamentu familiaria iha artigu 39 koalia kona-ba familia kazamentu no maternidade, (1), Estadu proteze uma-kain nu'udar baze selular iha sosiedade no kondisaun di'ak ba ema ida-idak hodi dezenvolve aan. (2), ema hotu-hotu iha direito no harii uma ka'in. (3), kazamentu hatu'ur iha ema feto ho mane sira nia hakarak rasik, no iha sira na'in rua nia direitu hanesan, tuir lei haruka no seluk tan.

Tuir Ministru Prezidensial Konsellu Ministru Fidelis Leite Magalhães, hateten, polilika planeamentu familiar ne'e ho objetivu atu adapta konseitu planeamentu familiár nian ne’ebé integradu no apropriadu kulturalmente ho kontestu Timor-Leste, ho konsiderasaun ba kompromisu polítiku ne’ebé motiva ona adezaun nasionál ba Planu Asaun Konferénsia Internasionál ba Populasaun no Dezenvolvimentu.

"Planeamentu familiár importante tebes atu hamenus mortalidade inan ho empoderamentu inan-feton sira nian, hanesan liuhusi asaun akonsellamentu jenétiku no konjugál, informasaun ba métodu no fornesimentu meius kontrasesaun, tratamentu infertilidade, prevensaun moras husi tranzmisaun seksuál no rastreiu kankru jenitál," dehan nia iha Palasiu Governu, kuarta horseik (09/2).

Nia akresenta, esensial husi prosposta ne'e mak oinsa atu iha garante katak, familia sira iha oan bele kontrola no bele halo espasu ba oan sira, no laiha oan sira ne'ebé barak liu fora husi kbi'it rasik, maibé atu tuir opsaun ida ne'e kazadu sira bele tuir opsaun ba planeamentu.

Nia esplika, opsaun planeamentu mak opsaun natural no opsaun ofisial, agora opsaun natural ne'e mak opsaun ida ne'e tuir metodu natural no husu ba kasadu sira atu kontrola sira nia taimin (faze) sira iha populasaun ou tantu masa subur.

Tanba ne'e, Governu sei servisu maka'as ho entidade sira hotu atu promove buat ne'ebe hanaran planeamentu familiar.

“Metodu husi planeamentu familiár konstitui mós instrumentu privilejiadu ba defeza saúde inan no oan no mós halo prevensaun ba abortu no defeza saúde no kualidade moris família sira nian", Tenik nia

Entretantu, Projetu rezolusaun politika nasional ba planeamentu familiar ne'e Ministra Saúde aprezenta ona ba Governu anterior iha tinan 2016 no iha loron 9 fulan-Feveiru tinan 2022, Governu halo aprovasaun ba projetu refere.

Asistente Editor: Saturnina da Costa