9 Fevereiru, Pozitivu Foun iha 194 no Kazu Ativu Sa’e ba 1.001

Novembru 06, 2024

Nasional

9 Fevereiru, Pozitivu Foun iha 194 no Kazu Ativu Sa’e ba 1.001 ^Featured

By Saturnina da Costa Fevereiru 09, 2022 549

Rezultadu teste hatudu, pozitivu Covid-19. Foto:Dok.

DILI: Koordenadora Jeral Surtu Covid-19 iha Timor-Leste, Dra. Odete da Silva Viegas hatete, kazu detetadu foun neebé relata ohin (09/02), iha na’in 194 no kazu ativu sa’e ba 1.001.

“ Kazu foun neebé relata ohin iha na’in 94 no kazu rekuperadu na’in 29, ”dehan komunikadu neebé Online INDEPENDENTE asesu, kuarta nee.

Ho nunee, total komulativu kazu konfirmadu sura husi loron 21 fulan-Marsu tinan 2020 too 9 Fevereiru 2022 hamutuk 20.942 no komulativu óbitu iha 122.

Enkuantu, iha oras 24 nia laran, teste PCR neebé Laboratorium Nasional Saúde halo iha Dili hamutuk 468, kompostu husi, vijilansia sentinela na’in 27, rastreiu ba kontaktu 182, rastreiu ba aleatóriu 198, viajen internasional 48 no follow up iha kuarentena hamutuk na’in 13.

Aleinde, total teste PCR neebé halo iha munisipiu sira seluk, RAEOA no HNGV hamutuk 297.

Tanba nee, Ministeriu Saúde nafatin apela ba populasaun sira, atu aprezenta aan iha fasilidade saúde sira besik, bainhira sente isin manas, kakorok moras, inus been no mear, atu nunee bele tratamentu husi mediku sira.

Rate this item

(0 votes)