Projetu ne’e, aprezenta husi Vise-PM no Ministra Solidariedade Sosial no Inkluzaun (MSSI) Armanda Berta dos Santos,
“Objetivu ba aprovasaun estratéjia ida ne’e, atu promove evolusaun integrada husi sistema protesaun sosiál nian, hodi haluan ninia kobertura no alkansa, hodi masimiza nia impaktu no hamenus ki’ak no vulnerabilidade,”dehan Ministru Prezidensia Konsellu Ministru, Fidelis Leite Magalhães, iha Palasiu Governu, kinta horseik (11/11).
Governante ne’e hatutan, estratéjia ne’e mós atu konsolida direitu sira ba seguransa sosiál, asisténsia sosiál, no mós asesu ho forma ne’ebé inkluziva ba servisu sosiál, edukasaun no saúde.
Enkuantu, Estratejia Nasional Protesaun Sosial ne’e, estabelese hanesan objetivu estratéjiku ida hodi hamenus ki’ak, hadi’a no haluan seguransa sosiál ba traballadór sira no dezenvolvimentu institusionál.
Asistente Editor: Saturnina da Costa
