Governu apoia millaun $15 ba Kreda Katólika iha TL Featured

By Ivonia Varela Fevereiru 15, 2024 132
Arse Bispo Metropolitano Dili, Dom Virgílio Cardeal do Carmo da Silva ho Vise-Primeiro Ministro, Ministro Koordenadór Asuntu Sosiais, Ministru Dezenvolvimentu Rural  no Habitasaun Komunitária (VPM-MCAS-MDRHC), Mariano Assanami Sabino asina akordu ba apoiu finanseiru ba Uma Kreda sira iha Timor-Leste, iha sala Gabinete VPM, MKAS-MDRHK, Palasiu Governu, (15/02/24). Foto:INDEPENDENTE/Juliao. Arse Bispo Metropolitano Dili, Dom Virgílio Cardeal do Carmo da Silva ho Vise-Primeiro Ministro, Ministro Koordenadór Asuntu Sosiais, Ministru Dezenvolvimentu Rural  no Habitasaun Komunitária (VPM-MCAS-MDRHC), Mariano Assanami Sabino asina akordu ba apoiu finanseiru ba Uma Kreda sira iha Timor-Leste, iha sala Gabinete VPM, MKAS-MDRHK, Palasiu Governu, (15/02/24). Foto:INDEPENDENTE/Juliao.

DILI: Governu liuhusi Gabinete Apoiu Sosiedade Sivil (GASC) apoiu orsamentu dóllar amerikanu hamutuk millaun $15, ba kreda kátolika iha Timor-Leste liu husi asina akordu ho Dioseze tolu (3).


Dioseze tolu ne’e mak hanesan Dioseze Dili, Baukau no Maliana, ne’ebé sei jere liu husi Gabinete Apoiu Sosiedade Sivil (GASC).
Arse Bispo Metropolitano Dili, Dom Virgílio Cardeal do Carmo da Silva hatete, hanesan tinan-tinan uma kreda kátolika iha Timor selebra akordu anuál ba implementasaun ba akordu ne’ebé maka asina ona iha tinan 2 liu ba.
“Asinatura ida ninia ne’e hahú ona atu implementa orsamentu ne’ebé estadu ka IX Governu ninian aloka ba Igreja Kátolika ne’ebé ohin, ha’u reprezenta konferensia episkopál liu husi governu ninia vise-Ministru mak ohin ami na’in rua asina akordu ida ne’e, no akordu ne’ebé asina ho osan $15 miloens hanesan mos tinan uluk,” dehan Dom Virgilio Cardeal do Carmo da Silva,” iha salaun VPM Palasiu Governu, Kinta (15/02).
Arce Bispo Metropolitano afirma, orsamentu ne’e hanesan subsídiu ida ne’ebé kada tinan governu fó ba iha uma kreda ne’e hatuur iha akordu internasionál ida ne’ebé maka ho naran konkordata.
“konkordata ne’e asina husi estadu vatikanu ho estadu Timorense, depois atu implementa ida ne’e, mak iha akordu ne’ebé mai kada tinan lima (5) no tau nia prinsípiu jerál sira no tinan-tinan ho governu ne’ebé de’it ami renova akordu ida ne’e,” tenik Kardeal.
Nia salineta, espiritu konkordata ninia uza akordu ne’e hodi utiliza orsamentu ne’e ba kategoria, Edukasaun, servisu sosiál, no servisu uma kreda ninia ne’ebé maka governu aloka ba dioseze Dili, Maliana, no Baucau.
Iha fatin hanesan Vise-Primeiro Ministro, Ministro Koordenadór Asuntu Sosiais, Ministru Dezenvolvimentu Rural  no Habitasaun Komunitária (VPM-MCAS-MDRHC), Mariano Assanami Sabino aumenta katak, asina konkordata ida ne’e hanesan fó kontinuasaun ba akordu ne’ebé maka antigamente iha tiha ona, tanba ne’e IX governu ho kontinua nafatin hodi aloka $15 milloens ne’ebé maka deskreve ona ba atividade sira ne’ebé maka importante.
“IX Governu nafatin fó importansia katak, esudasaun ne’e prioridade ni importante ba ita ia sosiedade liliu TL ba oin, ita atu hateke ba future ita hateke ba Edukasaun ba ita nia oan sira ba jerasaun foun, tanba ne’e ami fó apoia total servisu ne’ebé mak igraja katólika halo iha TL,” dehan Vise-Primeiru Ministru.
Espiritu konkordata ninia uza akordu ne’e hodi utiliza orsamentu ne’e ba kategoria, edukasaun, servisu sosiál, no servisu uma kreda ninia ne’ebé mak governu aloka ba Dioseze Dili, Maliana no Baucau.

Rate this item
(0 votes)

Independente Digital TV

Tuir ami iha Twitter

Kalendariu Notisia

« April 2024 »
Mon Tue Wed Thu Fri Sat Sun
1 2 3 4 5 6 7
8 9 10 11 12 13 14
15 16 17 18 19 20 21
22 23 24 25 26 27 28
29 30