Fulan Ida, Sentru Saúde Vera Cruz Atende Kazu VBJ 28 Featured

By Ivonia Varela Fevereiru 01, 2024 1867
Xefe Sentru Saude Vera-Krus Marilia Fereira da Concençao Piedade. Foto:INDEPENDENTE. Xefe Sentru Saude Vera-Krus Marilia Fereira da Concençao Piedade. Foto:INDEPENDENTE.

DILI: Fulan-Janeiru 2024, Sentru Saúde Vera Krus atende pasiente sobrevivente ne’ebé sai vitima ba kazu Violensia Bazeia ba Jéneru hamutuk na’in 28.

Xefe Sentru Saude Vera-Krus Marilia Fereira da Consençao Piedade hatete, durante fulan Janeiru Sentru Saude Vera-Krus atende pasiente hamutuk 28, pasiente hirak ne’e husi uma mahon mak lori ba, balun pesoal saude sira mak detekta banhira sira ba halo tratatamentu no barak liu husi Vulneralvel Polisia Unidade (VPU) mak lori ba sentru saúde.

“Pasiente sira ne’ebé mai konsulta iha fatin privadu iha ne’ebé ami prepara, no kazu sira ne’e la’os de’it husi postu Vera Krus, maibé inklui mos postu Administrativu Kristu-Rei, Na’in Feto no Dom Aleixo,” dehan Xefe Marilia ba Jornalista INDEPENDENTE iha nia knar fatin, Vera Krus, Kinta (01/02).

Xefe afirma, enkauntu vitima Violensi Bazeia ba Jéneru (VBJ) ne’ebé sentru saude atende ne’e mai husi tipu haat (4), hanesan Violensia Dómestika bazeia ba Ekonómia, fízika, Psikolojia no abuzu sexual.

Nia dehan, tanba sentru saúde iha liña referál di’ak ne’ebé mai husi VPU, uma mahon ALFeLA no FOKUPERS, tan sira hatene katak atendimentu ba sobrevivente durante oras 24 nia laran.

“entau sobrevivente sira atu mai kualker oras pesoal saúde atu atende, no husi kazu ne’e barak liu VPU mak lori mai no balun pesoal saude sira mak detekta no ita nia iha ne’e rede referral ne’ebé diak tebes entaun sobrevivente ida mai emerjensia pesoal saude kontaktu sira ne’ebé sevisu iha fatin provadu hodi atende,” nia esplika.

Ba sobrevivente sira, xefe haktuir, karik ba pasiente sobrevivente sira ne’ebé hetan ona tratamentu husi pesoal saude, ba ida ne’ebé mak uma mahon ho VPU sira lori ba sei haruka fali ba uma mahon.
Maibé sobrevisnte balun husu hodi fila-fali ba hela fatin maibé sentru saude lataka dalan atu nafatin buka hodi fó atendementu ba sira.

Rate this item
(0 votes)

Independente Digital TV