Tuir Diretor Eskola ESTV, Abel Dorosario Sarmento  hatete, dadaun ne'e menus laboratorium  iha komunidade balun mak okupa resintu  eskola no iha profesor lingua portugues lima ne’ebe mak falta no seluk tan.

Nia informa, antes ne'e halo ona pedidu ba Ministériu Edukasaun maibé seidauk simu resposta ruma husi Governu.

‘‘Ha’u nia preokupa mak oinsa Ministeiru Edukasaun halo planu depois sira bele responde preokupasaun sira ne’ebe ha’u hato’o ba.’’ Dehan Diretor Eskola Abel Sarmento, iha ESTV Bekora, Kuinta (01/02).

Nia dehan, eskola ne’e públiku nia na'in mak governu, purtantu sira tau ba governu  ne’ebé medidas bele estabelese, iha komunidade balun mak mai okupa fatin ne’ebe sira hodi hanorin no Fatin Eskola.  

‘‘Komunidade sira ne’ebé okupa fatin ne’e hamutuk xefe de familia nain lima, nain hirak ne’ebe okupa fatin ne’e iha nain ida mak profesor.’’ nia afirma.

Nia subliña, iha eskola ESTV ne’e estudante hamutuk na'in  nain atus tolu ne’en-nulu husi primeiru ano to’o terseiru ano, sala de aula hamutuk sanulu resin-ualu, maibé  uza de'it sala sanulu resin-lima, no profesor hamutuk ha’at nulu resin-sia.

‘‘Profesor sira ne’e mesak permanente nain rua mak voluntáriu, maibé ida ne’e sira nain rua la bele tama aula tanba ne’e orienta husi Ministeiru Edukasaun.’’ hakotu nia.