Xefe Sentru Saude Vera Krus, Marilia Fereira da Conseiçao hatete, nesesidade ne’ebé mak sentru saúde infrenta kona-ba stock ai-moruk rua Kaptopril ho Sinvastatin mak la iha, maibé la taka dalan katak atendementu la la’o, maibé atendementu la’o diak tebes.

“No tuir nesesidade Sentru Saúde Vera Krus ita dehan sufisiente para atu responde ba nesesidade ba ita-nia pasiente nian,” dehan Xefe Marilia ba Jornalista ID-TV iha nia knar fatin Kaikoli, Kinta (01/02).

Xefe afirma, maske ai-moruk stock out maibé sentru saúde refere haruka pasiente sira atu ba hola ai-moruk, tan ne’e banhira pasiente sira nia nesesiade mak presiza tebes ai-moruk refere sentru saude sei haruka fali iha Hospitál Nasional Guido Valadares (HNGV) hodi simu ai-moruk.

“Pasiente balun ne’ebé presiza duni atu utiliza ai-moruk refere ami haruka ba iha HNGV hodi kontinua tratamentu iha ne’ebá,” tenik Marilia.

Enkuantu, konaba ba aimoruk ne’ebé stock out, husi sentru saude Vera-Rruz hato’o ona pedidu ba iha servisu saúde Munispiu Dili maibé reposta katak ai-moruk iha servsiu saúde munisípiu mós la iha.

Entertantu, ai-moruk iha servsiu saúde Munispiu Dili mos ai-moruk stock out hamutuk item 40, ne’ebé kompostu husi vital item 7, esensial 24 no nesesariu aitem sia (9).