Rogeiro Tiago Lobato hatete, prioridades númeru um mak lori bee moos bá povu Oekusi tomak no mós prioridades seluk mak titulu propriedade, nune'e sé mak iha rai ne'ebé boot bele halo kréditu bá banku.

"Ha'u hakarak dehan prioridade ne'ebé ami sei fó maka ne'e hodi bee moos ne'e prioridades ida númeru 1 (uma) bá uma hotu-hotu," dehan nia, iha Oekusi,

horisehik.

Nia hatutan, ho títulu de propriedade bá ema hotu ne'ebé bele, tanba rai boot titulu propriedade para nia bele bá iha banku tau hanesan garantia para bele husu osan kréditu bankaria.

Depois mós fó kompensasaun justa bá ema, Estadu hadau de'it sira nia rai ka tama iha sira nia rai, tanba estadu mak ema hotu, entaun ema hotu hakarak di'ak bá malu, la'os tama mai ema nia uma arbiru de'it, depois selu kompensasaun ne'ebé sira mak determina, lae tenke negósia ho rai na'in.

"Ha'u iha ne'e hakarak dehan ba povu Timor-Leste tomak katak ha'u mai iha ne'e hanesan servidor estadu ne'ebé sei kordena kontinua ho Primeiru Ministru tuir

lei foun ne'ebé publika nia mak tutela Rejiaun Administrativa Espesiál Oekusse Ambenu, ha'u mai iha ne'e ho espiritu Komisaun," nia dehan.

Tan ne'e mak husu ba Sekretáriadu sira hotu ne'ebé ohin simu pose mai iha ne'e atu serbí la'os mai para atu buka fatin maibé mai atu serbí rai ida ne'e, Primeiru Ministru sempre dehan katak Independensia ne'e balu-balu de'it ne'ebé sa'e karreta iha bu'at hotu no Saláriu fulan-fulan maibé sira ne'ebé iha foho leten haluhan tiha sira.

"Tempu para ita atu tun agora atu ba haree sira idak-idak, la haree bá Partidu, ha'u Fretilin maibé ha'u mai iha ne'e la'os atu serbí de'it Fretilin ha'u mai iha ne'e atu serbí Timor oan tomak liu-liu Oekusse oan,  ha'u la haree bá kór de Bandeira, tanba ran ida ne'ebé halai iha ita nia Uat ran ne'e mean hanesan ita hotu."

"Loloos Arsenio Paixao Bano mai iha ne'e maibé ami konvida nia mais nia la mosu, ha'u hakarak dehan ami la mai iha ne'e ho odiu vingasa, ami rua Fretilin maibé ami rua ba manu futu nia taru mak manu sala. Nia taru mak manu bui leto ida kokotek mak barak, ha'u taru manu Timur ida teki Timor Aswain tanba ne'e mak ita manán," nia afirma.

Tuir nia, Arsenio Bano nia aman la'os ema seluk, nia aman kolega ida ne'ebé boot hamuk iha Soibada, atan rasik nia aman mak hanoin nia aman, ne'e duni iha fuan sempre belun ho nia.

"Ha'u sempre belun ho nia maibé ba manu futu sé mak manas nia hodi manu mate, maibé manu futu hotu tiha iha ne'e belun nafatin," nia dehan.

Iha fatin hanesan, Primeiru Ministru Kay Rala Xanana Gusmao, husu Prezidente RAEOA no Komisaun ne'ebé tau matan bá Zona Espesial Ekonómiku Merkadu Sosiál (ZEEMS) Joao Mendes Gonzalves atu la'o haleu Oekusse hodi idenfika potensialidade ekonómia iha RAEOA.

"Tanba ne'e maka Prezidente no Joao Mendes Gonzalves ho sira seluk horik ho imi, imi sei la'o haleu Oekusse hodi haree potensiál iha ne'ebé de'it ekonómia sosiál, kuandu ita temi ekonómia sosiál ita tenke Dezenvolve ekonómia husi nia hun hodi Populasaun rai ida ne'e mak tenke simu benefisiu," nia dehan.

Nia dehan, Ekonómia sosiál nia sentidu ida ne'e, tenke mosu liafuan ruma no ideia ruma kona-ba ida ne'e, tanba ne'e maka tau Komisaun ida mai iha ne'e hodi hamutuk ho povu RAEOA.

"Sim Rogeiro la'os Oekusse, nia mai so para ko'alia ho imi halibur imi, Joao la'os Oekusse mais ho ideia balu mai hamutuk ho imi la'o haleu, iha ne'e ita bele halo iha neeba, iha neeba bele halo iha neeba, husu boot ho imi nia Kooperasaun, labele haree bá sira ne'ebé toma pose oh wao ne'e la'os Oekusse nia karákter," nia dehan.

Tau iha neeba la'os para sira hela permanente lae, tau iha neeba para atu hadia, serbisu la'os de'it na'in hirak toma pose ne'e serbisu sei boot no sei barak tanba ho hotu-hotu nia partisipasaun.

Ohin loron Importante tebtebes la'os de'it ba Oekusse maibé ba estadu tomak iha Timor-Leste hodi kompriende tanba sa, liafuan valores barak ne'ebé ema hotu-hotu tenke intende kona-ba estadu no kona-ba Repúblika.

Ne'e duni Governu konstitusionál da-sia povu hili la'os tanba Xanana hakarak sai tan fali Primeiru Ministru nia baruk tiha ona, maibé povu hili atu hadia bu'at ne'ebé sala.

"Ita mak nune'e nafatin to'o Nova jerasaun mai kaer ukun ita sei la bá oin, iha tinan kotuk Juis sira hasai kursu ida Malae mutin sira mai fó ba sira ho tema osan povu nian, jere ho di'ak Importante tebtebes, tinan hirak ba kotuk aat tebtebes ne'e mak povu hili fali ha'u mai," nia salienta.

Mai la'os atu sa'e karreta di'ak ka lae maibé mai atu kurije no atu hadia hodi hodi fó lisaun ida ba Nova jerasaun hodi haree saida mak di'ak bá rai ida ne'e no saida mak aat bá rai ida ne'e hodi ikus fali mai serbisu di'ak.