Nia haktuir, agora dadauk fos iha armazen menus ona, tanba ekipa halo ona distribuisaun ba benefisiári sira no hela restu mak sei iha hela armazen.
"Fos ne'ebé mak iha tinan kotuk ita nia parseiru Internasionál WFP apoiu, agora komesa menus ona ona, " dehan Luis da Costa ba Jornalista INDEPENDENTE iha nia knaar fatin Bemori, (05/09).
Nia haktuir, WFP apoiu MSSI iha Munisipiu 13, inklui Dili ne'ebé orefere hodi apoiu ba inan isin rua, labarik minoridade no ema kbiit laek sira ne'ebé presiza tulun.
MSSI Dili hahú apoiu husi tinan kotuk to'o Janeiru tinan ne'e. Apoiu ne'ebé WFP fó hamutuk fós saka rihun ida resin, inklui koto.
" Iha fulan Agostu ita nia komunidade kbiit laek, inan isin rua no labarik minoridade ita apoiu pur volta saka 600," tenik nia.
Nune'e, fós ne'ebé iha armazen MSSI Dili hela saka 400, tanba restu ne'e hodi prepara bainhira akontese situasaun emerjensia ruma presiza apoiu ho emidiata.
Nia argumenta, bainhira iha orientasaun ruma husi u MSSI Dili bele foti hodi halo intervensaun,maibé husi parte Diresaun Nasionál hamutuk ho Diretór Jerál tau ona planu atu loke tenderizasaun ba kompaña hodi hatama fós.
"Ne'ebé ita nia Aihan komesa Menus ona satan agora loja sira mós faan fós karun entaun komunidade lorloron sempre mai halerik iha ne'e " dehan nia.
Tanba ne'e Obrigatóriu MSSI tenke simu Dokumentus komprovativu hanesan Eleitoral ka Deklarasaun suku ruma mak foin bele Apoiu ba sira,Maibé fós restu ne'e sei la garante to'o fulan Dezembru bainhira iha apoiu Emerjensia.
