Diretór Exekutivu FONGTIL Valenten da Costa hatete, iha nivel nasional sira tenke loke aktividade produtivu sira, atu nune'e IX Governu konstituisional tenke kria servisu rai laran.
Nia dehan, aproveita joven balun remata estudu universidade hodi graduadu hotu ne'ebe iha duni Kbiik no matenek atu nune'e bele kontribui iha rai laran, la'os sai hotu ba rai liur ema seluk mai servisu fali iha rai laran.
"Ami husu IX Governu konstituisional ninia tenke iha politika atu loke kampu servisu hodi involve joven sira ne'ebe remata estudu to'o agora balun abandona hela iha area rural ne'eba," dehan Nia ba jornalista INDEPENDENTE iha knaar fatin Kaikoli, sesta (06/10)
Tenke involvementu joven produtivu sira iha area servisu oi-oin iha Timor-Leste, atu hare'e husik joven produtivu sira iha kotuk tanbá ne'e hatudu imajen ladun diak.
Tanbá ne'e joven balun iha kapasidade diak bele kontribui ema seluk nia ekonomia, tempu ida ne'e governu tenke esforsu maka'as kria ho fornese servisu barak iha rai laran,atu nune'e joven sira lalikan sai tan ba rai liur.
Aleinde ne'e, SEFOPE tenke Preve uitoan mekanismu oinsa fo prioriedade maka'as ba iha nasional, atu nune'e joven balun servisu iha ne'e.
Tanbá Ministeriu balun loke kampu servisu barak hodi aproveita joven matenek no iha kapasidade sira bele halo buat ruma, iha insitiva hali kriatividade bele kontribui ekonomia iha rai laran.
Nia dehan, bele halo produsaun hodi resolve tui-tuir numeru desempregu diak iha Timor Leste, atu diminui desempregu ho solusaun ba joven sira.
La'os haruka deit joven sira ba hotu rai liur , Governu konstituisional tenke hanoin investe servisu iha ita nia rai liu-liu setor produtivu sira hanesan agrikultura, turismu ho setor sira seluk hodi kontribui ba buat seluk.
Ita nia intesaun joven sira hakarak ba servisu hotu iha rai liur , tanbá kampu servisu iha rai laran laiha no oportunidade atu kria servisu hodi halo investimentu sira ne'e governu sira la halo.
IX governu konstituisional tenke halo balansu hodi bele responde merkadu global haruka joven sira maibé tenke halo buat ruma iha rai laran hodi resolve tui-tuir numeru desempregu.
Joventude balun remata estudu iha universidade sira bele iha kampu servisu atu nune'e nia Kontinua kontribui desenvolvementu, FONGTIL husu governu hahú planu asaun investe iha setor produtivu sira.
Aleinde ne'e bele hadia irrigarasaun sira liu-liu setor agrikultura , turismu tanbá hanoin sei tama fase industria iha futuru ne'ebe governu tenke hahú agora atu nune'e la bele responde ba sentru formasaun sira maibé responde ba joven sira nia kampu servisu.
