Diretór Ezekutivu FONGTIL, Valentim da Costa Pinto 'Koko' hatete, sosiédade sivil rekomenda ba governu no mós bankada sira iha Parlamentu Nasionál hatete ona se eviksaun uma kain balun ne'ebé ninia oan sira daudauk ne'e kontinua eskola no balun hanesan abandona tiha eskola ne'e governu tenke haree oferese fatin ruma ne'ebé dignu sira ba tur atu sira bele garante sira nia oan sira ne'e kontinua eskola hanesan baibain.
"Ita hatene edukasaun ne'e direitu báziku ida fundamentál loos, entaun ami rekomenda ba governu bele haree fali fatin ruma ne'ebé dignu no di'ak ho apoiu sira mai husi MSSI ho ME, MS kontinua fó asisténsia sira hanesan ne'e atu família sira ne'ebé afeitadu ne'e nia oan sira labele lakon estudu atu ba kontinua eskola," dehan nia, iha knaar fatin, Kaikoli, horisehik.
Nia hatete, tanba ne'e mak define fatin ruma ne'ebé bele sai hanesan fatin temporáriu ruma bele permite sira atu hanoin saida mak sira bele halo ba tuir mai, mais tenke haree fatin ruma ne'ebé dignu, kondisaun ne'ebé naton atu sira bele asegura nafatin sira nia oan ba eskola sira.
Antes ne'e, vitima Lorença da Costa hatete, agora atu hela ne'e mos fatin la iha atu ba hela hamutuk ho familia sente ladun diak, tanba ema ho familia barak.
"Tanba agora ita hela iha ne'e mos ba nunpa tan ho ema, nunpa mos laos nunpa ho ema seluk nunpa ho familia, maibe ita keluarga tomak ba hela tan ho keluarga tomak ida mos ita sente la kontenti, tanba ita keluarga tomak mos iha ema barak entaun ita ba tan ho familia mos sente ladun diak, depois ho tempu ona tan ne'ebe ami sai hodi fila kedas ba foho " dehan nia ba Jornalista iha Aitarak-Laran, Tersa (23/04).
Nia dehan sira iha ona nain walu(8) moris hotu iha Dili, nain rua la eskola ona nain rua eskola ho sira nia avo iha foho nain haat mak eskola iha ne'e.
"Nain haat ne'e nain rua eskola SMP klass tiga, no nain rua sei SD, maibe ami la hanoin katak estadu mai hasai ami mak ami pinda ba foho ida ne'e ami la hanoin, mais agora to'o estadu haruka ona ami sai, maibe hau nia ona nain haat agora iha foho ne'e hakarak atu ba eskola, maibe profesora iha ne'eba nia presija sira nia nomor emis, ho tan sira nia surat pinda ho sira nia buku lapor presija ida ne'e."nia dehan
Maibe horseik ba hasoru Eskola Farol sira diretora ne'e dehan, eskola la bele atu hasai sira maibe husu ba sira hakarak atu sai husi ne'e ka lakohi.
"Ita boot inan ho aman direita ba ita nia oan katak sira hakarak sai husi eskola ne'e ka sira lakohi ita tenki husu direita ba sira, ne'ebe mak eskola iha ne'e. Entaun hau sese an fali ba kotuk, hau lansung telefone sira, sira dehan ama hasai surat pinda mai iha ne'e ami lakohi eskola iha ne'e, tanba ami moris iha Dili ne'ebe ami nian rua nia apa sei duvidas hela ho ida ne'e."nia afirma
Nai esplika mane ida no feto ida eskola iha 3°ciclo farol, no rua seluk ida tinan 12 no tinan 7 sei eskola iha 1°no 2° Ciclo bairo pite.
"Sira hakarak atu mai fali eskola maibe ita mai fali iha ne'e mos fatin la iha entaun ita atu hela ho ema mos la diak, ita atu aluga deit mos sente la diak, sente ho triste ida ne'e".nia afirma
Iha fatin hanesa xefe aldeia Anin-Fuik Franselino Maia hatete, hahú husi loron ne'ebe mak halo eviksaun to'o agora kuminidade balun sei espresa hela sira nia sentimentu no labarik barak mak paradu hela ba eskola.
"Tanba inan aman inan nian hela fatin seidauk klaro ba sira,sira agora dadun aproveita familia vizinu ida rua ne'ebe mak besik hela iha dili, sira lori ona ba hela ba mahon, sira sei hein sira nia direitu ne'ebe mak to'o agora seidauk iha sira nia konta bankaria".nia dehan
Nia afirma sira seidauk kontinua eskola ho total tanba ho sentimentu ida foin lalais ida akontese.
"ita kulia ba publiku hanesa ne'e sira seidauk baa eskola ho hakmate, sira seidauk ba eskola lolos tanba ita hateke ba desisaun brutalismu ida ne'ebe mak akontese estraga ona kontituisaun RDTL iha artigu 17 ho 18 artigu iha ne'eba, kiik oan sira iha direitu tomak para asesu ba buat hotu mais ita kontra total hotu kedas, agora sira sei iha tristeza nia laran, tanba sira nia inan ama nia paradeiru atu hamahan an ba ne'e la iha "nia salenta
Tanba kordansia ida atu hetan emidizasaun ne'e agora dadaun sei mamuk hela iha konta bankaria oinsa para sira bele ba buka fatin balun atu saran an ho familia.
"Emidizasaun ida kiik tebes hanesa ne'e sira atu ba foho mos hanesa mate ida ne'ebe ita lori fali ba tau iha foho, se karik emidizasaun ne'e justu parese sira iha komboiu sira fila uluk ona sira nia moria fatin,atu hatete katak edimisaun ne'e karik iha ona sira nia liman sira sei la okupa tan dili, emidizasaun refere ohin mensiona husi parte Governante dehan katak fo tiha ona osan ba sira la kohi husi hela fatin, ne'e ita bosok ami iha evidensia iha ne'e loke deit konta bankaria iha tuku 8 ne'e mak tuku 9 iha ne'e rahun tiha ona "nia hakotu.
