Enkuantu familia Fujitivu Arnolfo Teves Jr oferese bee agua, iha área Timor Longe, bainhira peregriñus sira-ne'ebé la'o ain ba Tasi-Tolu tuir missa solene ne'ebé mak prezide Santu Papa Francisco.
Família Fujitivu, Cherry Gellecanoa “Madam Cherry” hatete, família Fujitivu Arnolfo Teves Jr halo asaun karidade oferese bee ba sarani, tanba rai manas, maibé sarani barak ho antuziasmu tebes la’o ain ba tuir missa solene iha Tasi-Tolu.
“Buat ne'ebé ohin ha’u oferese ba Timoroan ne'e ha’u fó ho domin, tanba ha'u haree sarani barak la’o ain loron manas kios barak laloke, entaun ha'u haree balun laiha bee, ha'u fó ba sira, atu bele hemu aguenta la'o ain to'o Tasi-tolu, tuir missa solene ne'ebé ita hotu hein husi Amu Papa Francisco,” Dehan Cherry ba Jornalista INDEPENDENTE, hafoin fahe bee ba sarani sira, iha área Timor-Longe, Komoro (10/09).
Nia informa, hanesan sarani di'ak, bainhira Timoroan ho antuziasmu simu simu líder mundial Igreja Katólika Suasantidade Amu Papa Francisco kontente tebes, hetan bensaun domin husi Santu Papa rasik no haklaken Timor-Leste nia naran iha mundu.
“Aktividade ohin ha'u halo iha estrada, bainhira ha'u haree sarani barak la’o, entaun halo fó buat ne'ebé sira Presiza hanesan ne'ebé hemu ba hamutuk rihun lima ba Timoroan sira, tanba ita hotu hatene presenza Santu Papa Francisco lori domin ho bensaun ba Timoroan hotu no haklaken Timor-Leste nia naran iha mundu,” Nia Subliña.
Entretantu observasaun Jornalista INDEPENDENTE iha dalan Protokolu ne'ebé Amu Papa Francisco liu ba missa, maioria loja barak taka, maibé sarani barak la preokupa hakarak simu bensaun domin husi Santu Papa Francisco kontinua la’o ba Tasi-tolu.
