Tuir observasaun Jornalista INDEPENDENTE iha terenu katak, Papa Francisco to'o hikas Nusiantura iha tuku 11 resin fó bensaun ba labarik balun ne'ebe hein Papa ho desde tuku 9:00 Otl.
Maske iha portaun Nusiantura ne'e, peregriñu barak hein hakarak hetan bensaun, maibe balun de'it mak hetan no balun la hetan.
Maibé sarani sira la lakon vontade nafatin hein iha portaun Nusiantura oin, Papa Francisco tama tiha ona ba Embaixada Vátikanu, deskansa oiutan hafoin ba misa solene iha Tasi-tolu tuku 4:30.
Bain-hira Papa Francisco tama tiha ba laran liu minutu balun nia laran, Papa Francisco haruka hikas seguransa Vatikanu ni’an, atu bolu labarik sira tama ba Nunsiatura laran.
Nune’e, labarik ida mak seguransa Vátikanu dada uluk tama ba laran, hafoin labarik ki'ik barak halai atu tama tuir no inan-aman barak mak dada sira nia oan hodi halai ba iha portaun oin hakarak tama hotu.
Iha oportunidade ida ne’e, labarik barak mak tama ba laran hakarak simu bensaun, maibé sai hikas fila-fila, tanba seguransa sira hapara tiha sira.
“Se mak autoriza haruka (Labarik) sira tama,” Hateten, seguransa liña Dahuluk ba Papa Francisco, Pedro Belo hodi haruka seguransa ‘bandu’ labarik sira labele tama ba Nunsiatura, iha Portaun Nusiantura, Motael, Tersa (10/09).
Entretantu, dadauk ne'e, Papa Francisco sei deskansa Nusiantura Apostólika, Motael, hafoin tuku 4 :30 kontinua ba Tasi-Tolu hodi prezide missa solene iha Tasi-Tolu.
