Ezekusaun OJE 2023: Administraun Sentrál 21%, Liña Ministeriais 23% Featured

By Mariano Mendonca Maiu 30, 2023 311
Ministru Finansas Rui Augusto Gomes. Foto:Dok. Ministru Finansas Rui Augusto Gomes. Foto:Dok.

DILI: Ministru Finansas Rui Augusto Gomes relata ba Primeiru Ministru Taur Matan Ruak, ezekusaun Orsamentu Jerál Estadu (OJE) tinan 2023 Administraun Sentrál ezekusaun 21% no liña Ministeriais 23%.

Ministru Finansas Rui Augusto Gomes hatete, enkontru semanal ida ne'e halo ho Primeiru Ministru para atu fó update atualiza uitoan Informasaun kona-ba serbisu iha Ministeriu Finansas ida ne'e mak mai relata ba Primeiru Ministru kona-ba ezekusaun Orsamentu Jerál Estadu tinan 2023.

"Ita la iha mudansa signifikativu purtantu hanesan horibainhira ha'u temi tiha ona ita nia ezekusaun eintermus globais 18% ita sura ho U$ 2.1 biloens, maibé ita haree husi parte ezekusaun Administraun sentrál ne'e ita nia ezekusaun 21%, See ita haree husi liña Ministeriais ezekusaun 23%," dehan nia hafoin hasoru PM iha Palásiu Governu, Segunda (29/05).

Nia afirma, purtantu assuntu ida ne'e mak relata ba Primeiru Ministru relasiona ezekusaun OJE tinan 2023 nian.Ezekusaun ne'e barak liu despeza korentes.

"Hanesan ita hatene Salariu, beins serbisu mós ita selu, purezemplu hanesan ahi Eletrisidade lakan signifika ita mós selu hela mina ne'ebé ita importa husi rai li'ur U$ 120 miloens dollar keta haluhan ida ne'e," nia dehan.

Nia fundamenta, ezekusaun ba programa sira mak Ospital sira funsiona, klínika sira mós funsiona, serbisu barak funsiona purtantu ne'e signifika la'os de'it Salariu maibé beins serbisu sira mós funsiona, kapitál menor mós la'o hela.

"Ita nia ezekusaun jeralmente nia sae maka'as iha ultimu trimestre daruak ne'e ida ne'e tanba prontu ita hatene katak Prosesu Aprovizionamentu jeralmente akontese iha Primeiru Segundu trimestre ona, terseiru ka kuartu trimestre ne'e mak foin asina kontratu sira no ezekuta kontratu sira ne'e," nia dehan.

Kona-ba programa estratéjiku sira, hatene katak Eleisaun hotu ona, purtantu see mak maioria vensedor, la kleur tan semana rua ka Tolu tan sei iha Governu foun mak sei deside ba oin halo nusa hodi ezekuta programa estratéjiku sira ne'e.

Rate this item
(0 votes)

Independente Digital TV