Eis Prezidente Autoridade hatete, tuir dalan ne’ebé los atu ezonera ema, tenki liu husi karta antes fulan ida atu nune’e, bele fó tempu hodi halo relatóriu kona-ba servísu durante ne’e, atu nune’e bainhira ema ne’ebé atu susbstitui sira-nia bele haree no kontinua hala’o servisu sira ne’ebé seidauk finaliza.
Nia dehan, Ministru Administrasaun Estatal la uza nia rasiósino lójika hodi tetu no avalia vantagen no desvantajen sira atu hamosu prosesu ida ne’ebé éfikas ne’e efisiente hodi implementa poder lokál.
Maibé Ministru Estatal uza de’it mak nia arogánsia no ignoránsia hodi desmantela estrutura governu lokál ida ne’ebé estruturadu ho mákina ida ne’ebé forte ba implementasaun poder lokál.
“Sira la iha karta ezonerasaun, normalmente tuir regras ne’e banhira ezonera nian ne’e fó uluk ezonera ne’e fó uluk karta fulan ida ba Prezidente Autoridade Munisípiu atu halo preparativu ba relatóriu finaseiru ka ezekusaun ruma, maibé ida ne’e lae,” dehan Eusebio Salsinha liu husi Konferensia Imprensa ne’ebé hala’o iha Edifisiu Administrasaun Gleno, Kuarta (17/01).
Eusebio akresenta, adminiastrasaun públika estadu ne’ebé funsiona ho baze triamites ho lei la’ós tuir gostu de’it.
Tan ne’e, agora tempu ona atu halo mudansa la’os ho vigansa, tempu ona Timoroan atu fó liman ba malu ho mehi ida no objetivu ida prosesu dezenvolvimentu Timor-Leste nia ba oin hodi kore povu husi ki’ak no mukit.
Nia afirma, lolos ne’e prezidente autoridade ninia mandatu ne’e tinan lima, la’os tinan tolu de’it remata ona, tan ne’e rekomenda ba Prezidenti Autoriedade foun atu implementa uluk mak programa tara bandu atu nune’e bele hadi’a bem estár sosiedade nian.