Albro hakarak haree besik Amu Papa no simu bensaun direita husi Ulun-boot sarani Katolika ne’e.

"Ha'u iha esperansa hákarak haree Amu Papa mai Timor par hetan bensaun husi nia," dehan Albro bainhira Hein Amu Papa, Tersa (10/09).

Amu Papa, tuir nia, laos hanesan Bispu ka Padre sira ne'ebé bele hasoru malu ho sarani sira lorloron ka Domingu iha misa.

Oportudade hanesan ne’e sei la repete. Uluk Papa João Paulo II mai iha tempu funu no iha situasaun ne’ebé defísil.

"Uluk mai tanba funu ida sei iha difisil ita atu ba hasoru agora ne'e mai par ita páz, dame iha uma laran, labele oho malu no ita-nia ulun-boot sira tuur hamutuk fó liman bá malu par hodi lori nasaun ne'e ba oin atu ami difisiensia sira ne'e tuur hakmatek, atu ami labele halai tuun-sae tan, trauma tan, ami moris kontente ho damen, páz iha ita-nia rain doben Timor-Leste, moris fatin ida ne'e," nia dehan.