Kompañia Satria distribui Bee Kaixa 240 ba sarani sira iha Tasi-Tolu

Novembru 22, 2024

Kompañia Satria distribui Bee Kaixa 240 ba sarani sira iha Tasi-Tolu ^Featured

By Ivonia Varela Setembru 10, 2024 410

Kompañia Satria Unipesoal, Lda prepara bee hemu hamutu Kaixa 240 hodi distribui ba sarani sira ne'ebé atu partisipa misa solene iha Tasi-tolu ne'ebé prezide husi Sua Santidade Papa Francisco. Tersa (10/09/24). Foto:INDEPENDENTE/Ivonia Varela.

DILI: Kompañia Satria Unipesoal, Lda prepara bee hemu hamutu Kaixa 240 hodi distribui ba sarani sira ne'ebé atu partisipa misa solene iha Tasi-tolu ne'ebé prezide husi Sua Santidade Papa Francisco.

Mohamad Asa hanesan staf ne'ebé halo servisu iha kompañia Satria hatete, haree
ba rai ne'e manas liu tanba sira iha inisiativa ida hodi sosa bee hodi bele fahe ba sarani sira.

"Ne'e ami halo sosiál oituan deit tanba haree ba rai-manas tebes, só ida ne'e deit mak ami bele halo, ami so fahe bee de'it," deha Satria ba Jornalista INDEPEDENTE iha Tasi-Tolu, Tersa (10/09).

Nia dehan, iha kompañia ne'e iha staff na'in hitu mak apoiu malu hodi fahe bee sarani sira ne'ebé la'o tuir estrada.

Tuir observasaun Jonalista INDEPENDENTE nia iha terenu nota katak, staf na'in hitu ne'e mesak husi Jawa Indonézia hotu deit, no sira hiit Kaixa bee nia la'o tuir estrada hodi Fahe ba sarani sira.

Enkuatu, sarani sira mós kontenti hodi simu bee ne'ebé Fahe husi kompañia Satria.
Entertantu, bee kaixa 240 ne'ebé kompaña fahe ho marka freska 600ml.

Rate this item

(0 votes)