Xefe Seksaun Relasaun Externa-APC, Nelson Nunes Orleans hatete, tipu dezastre naturais ne’ebé akontese mak hanesan, anin boot, rai halai no ahin han.“CNOPC Hamutuk ho APC rejista uma kain 36 mak hetan estragus, hanesan, iha Munisipiu Aileu, anin sobu uma ida, Munisipiu Baukau anin sobu uma rua, rai halai estragus uma ida no ema ida mate, iha Munisípiu Bobonaro, anin sobu uma ida, rai halai estragus uma ida, iha Munisípiu Ermera anin sobu uma hitu, rai halai estragus uma rua no kanek ema nain tolu. Iha Munisípiu Lautém ahi han uma ida, ema lakon ida, Munisípiu Likisa ema mate ida, munisípiu Manatutu anin sobu uma neen no ahi han uma ida, RAEOA ahi han uma ida, no Munisípiu Vikeke anin sobu uma haat, ahi han uma ida no mós ema na’in ida hetan kanek,” dehan nia liu husi konferensia imprensa, iha Sala Konferensia APC, Kaikoli,Dili, (01/04/24).
Nia hatutan, husi dadus ne'e, Autoridade Protesaun Sivil apoiu ona emerjensia hanesan aihan no la’os aihan ba familia afeitadu sira.
Nune’e, mós ekipa sira halo ona asistensia umanitaria ba iha vitima sira hodi evakua ba iha fatin seguru.
