Marí Alkatiri hatete, nia rasik konfuzaun ho ezekusaun orsamental liuliu iha áree fundu infraestrutura nian.
Tanba tuir Lider Nasional ne’e, iha tinan 2011 to’o 2024 orsamentu ne’ebé aloka ba fundu infraestrutura hamutuk dolar amerikanu millaun $5.9, nune’e, iha loron 23 fulan-Setembru tinan 2024, ezekusaun ba fundu infraestrutura ne’e kiik tebes ho millaun $89,000.
“Ha’u haree ezekusaun millaun $3.6 hahú husi tinan 2011 to’o 2024, signifiká ezekusaun 30% de’it,”dehan Eis PM Marí Alkatiri, liu husi konferensia imprensa ne’ebé hala’o iha Gabinete Eis Titular, Farol, Dili, (12/03/25).
Eis Primeiru Ministru ne’e hatutan, ezekusaun mak 30% de’it, signifika orsamentu sei hela millaun $2.
Tanba, fundu infraestrutura 2024 iha orsamentu montante $354,789 maibé to’o Setembru 2024 nia ezekusaun iha $89.753.721 no la to’o millaun $100 husi millaun $301.
“Restu ne’e iha ne’ebé? nune’e tinan 2025 aloka tan millaun $312 iha kualkér koiza sé millaun $301,000 ezekusaun mak millaun $89,000 sei restu millaun $200 liu aloká tán millaun $312,000 bá tinan 2025 signifiká millaun $500,000 ne’e la konta tan husi 2011-2024 rua ne’e de’it hamutuk millaun $500,000 liu ba fundu infrastrutura,” Nia afirma.
Nia haktuir iha prosezaun ba tinan 2026 iha millaun $829,776, tinan 2027 millaun $731,15 tinan 2028 millaun $273,72, tinan 2029 millaun $105,67, hamutuk biliaun $1.9 ne’e prozesaun ba aban bainrua.
