Tuir Adérito, entre kazu sira ne’e balun krime pekulatu, krime partisipasaun ekonomia iha negósiu, krime abuzu podér no krime balun mak grau fiskál maka KAK rejista iha ajenda investigadór durante ne’e.

Entretantu, kona-ba kazu ne’ebé akontese durante ne’e, eis-membru Governu lubuk ida mak daudaun ne’e presta ona deklarasaun iha KAK. Husi ema hirak ne’e balun sai arguidu no balun sasin.

Komisáriu Adérito hatete, eis-membru Governu hirak ne’e presta deklarasaun tanba iha indísiu komete krime korrupsaun, partisipasaun ekonómiku no abuzu podér.

Nia dehan, bainhira KAK identifika ema sira ne’e komete krime públiku tenke halo investigasaun. Ne’e duni, bainhira ema sé de'it maka komete kazu korrupsaun ka partisipasaun ekonomia tenke investiga.

Eis-membru governu ne’ebé hasoru ona ekipa investigadór KAK maka hanesan eis-ministra Finansas, Santina Cardoso, eis-ministru Justisa, Ivo Valente, no eis Sekretáriu Estadu Terras Propriedade, Jaime Xavier.