Xefe Casa Sivil Jesuína Maria Fereira Gomes hatete, mákina USG rua ne'e entrega, liu husi Prezidensia Republika ba CVTL ho Klínika Bairo-Pite, tanba Dr. Braganza nia vizita iha Timor fasilita husi Prezidente Republika (PR).

Xefe Kaza Civil, afirma, Prezidente Republika iha misaun no vizaun ne’ebé boot iha área saude liliu ba inan isin-rua no labarik kiikoan sira, tan ne'e Prezidente Repúblika fasilita Dr. Braganza mai iha Timor atu fó formasaun no tratamentu saúde ba timoroan sira.

“Dr. Braganza mai iha Timor liu husi PR, PR mak fasilita atu fó konsultasaun ba pasiente sira no atu entrega mós mákina USG ne'ebé lori husi alemaña mai,” dehan Xefe Casa Sivil iha Edifisiu CVTL Formoza, Tersa (10/10).

Iha fatin hanesan, Xefe Klínika Bairo-Pite Inacio do Santos hatete, mákina ne'ebé sira simu bele ajuda sira no

“Espera katak ohin simu, aban bele uza ona tanba pasiente barak mak hein hela mákina ne'e. Em prinsipiu liliu ba ina isin-rua sira tanba mortalide bebe mós aas, tanba ita hotu hatene labarik sira barak mak moris liman ain mak uluk  tan ita la iha ekipamentus hanesan USG atu bele deteta inan isin rua sira ne'ebé mai ho isin rua sedu," katak Xefe.

Nia dehan, mákina refere la'os ba inan isin rua deit maibé ba mós pasiente sira ne'ebé moras rins, aten, fuan  no moras sira seluk ne'ebé bele leno ho mákina refere.

Iha biban ne’e, Prezidenti CVTL Madalena Hanjam hatete, ekipa médiku voluntáriu sira husi CVTL mós halo servisu  hanesan kuidadu saúde primaria hafoin transfere ba Klínika sira, tan ne'e  ho ekipamentu ida ne'e, bele ajuda ona médiku sira hodi halo diagnosa ba pasiente sira.

"Ami sei hein hela prosesu atu uza mákina ne'e ho didiak oinsá mak atu bele asesu ba iha pasiente hotu-hotu tuir servisu CVTL husi ekipa médiku sira," dehan  nia.

Prezidente CVTL ne’e mós rekoñese, Kruz Vermelha rasik seidauk iha nia Klínika rasik tan ne'e servisu ne'e sei halo movimentu.