Bispu Dioseze Dili, Don Virgílio do Carmo, preokupa tebes estrutura membru governu ne’ebé seidauk kompletu tanba responsabiliza osan Estadu presiza responsabilidade membru governu idak-idak nian.

“Laiha ministru ruma ne’e mós sai preokupasaun atu garantia transferénsia”, dehan nia, iha Episkopál, Bidau-Lesidere, horisehik.

Bispu dehan, preokupasaun mak ministériu ne’ebé sei mamuk atu ba hataan ba iha Parlamentu Nasionál kona-ba ezekusaun orsamentu.

Maski orsamentu iha ona maibé fanu mós governu atu kompleta lalais hodi responsabiliza ba orsamentu ne’ebé mai daudauk atu halo ezekusaun ho transparénsia no akontabilidade.