Tuir komunikadu ne’ebé Online INDEPENDENTE asesu iha pajina ofisiál DNMG katak, durante loron tolu anin sei huu ho velosidade forte liu 20-25 km/h, akompaña ho rajadas anin fuik ne’ebé hjo velosidade nmaka’as 54 km/h.
“kuaze iha teritóriu timor laran tomak preferensialmente iha Kosta Norte tantu iha rejiaun montanhosas/foho kuantu rejiaun kosteiras” hatete, komunikadu ne’ebé asesu iha Segunda, (15/01)
Tuir observasaun husi modelu meteorolojiku kona ba previzaun tempu semana ne’e hatudu katak, iha parte dader maioria munisipiu sira iha territoriu Timor laran, kondisaun atmosfera sei predominante ho (kalohan taka) to’o lorokraik no inisiu kalan mak kuaze munisipiu hotu-hotu iha territoriu, kondisaun atmosfera sei akontese udan ho intensidade Fraku to'o Moderadu.
“Bainhira Udan, Anin boot & Rai Lakan, husu ba populasaun sira atu hadook a’an husi fatin risku sira no buka hela iha fatin ne'ebé seguru no Kazu emergênsia ruma tuir orientasaun autoridade lokál ou pesoál potesaun Sivil ne'ebé besik ou karik presiza halo evakuasaun, mantein kalma nafatin, evita pániku.” Hatutan nia.
Previzaun ba kondisaun laloran tasi nian ba semana ne'e mak laloran tasi nia a’as tantu iha kosta norte no sul sei kontinua normal to'o moderadu 0.7-11.5M iha territoriu Timór.