“La’ós ba moras TBC de’it, ita mós sei halo treinamentu oinsá atu bele halo teste ba moras HIV/SIDA, kankru ran no Covid-19. Tanba ne’e apoiu ne’e ajuda tebes tanba durante ne’e klinika uza microscof de’it,” Diretór Klínika Bairru-Pité Lanud, Inácio dos Santoshateten hafoin serimónia entrega iha Klinika Bairru-Pité, Segunda (07/03).

Durante ne’e detesaun kazu ne’e minimu loos, tanba microsof ne’e minimu tebes atu halo detensaun ba kazu sira entaun mákina foun ne’e apoia tebes atu bele halo detensaun sedu liu ba moras TBC no moras sira seluk.

Iha tinan 2021, klinika konsege deteka kazu 489, husi númeru ne’e iha kazu 182 mak pozitivu kaben tasak, signifika sira ne’e mak bele ativu halo transmisaun ba ema seluk.

Enkuantu, husi Janeiru mai to’o Fevereiru ne’e, Klinika Bairru Pite  detekta ona kazu besik 80.

Iha fatin hanesan, Administradór Divizaun Fundu Global, Noé Gaspar hateten, programa nasionál Tuberkoloze hamutuk ho Laboratoriu Nasionál entrega mákina Genexpert atu bele ajuda klinika no apoia hodi halo detenasun sedu ba iha pasiente tuberkoloze sira atu bele halo tratamentu sedu.

Antes ne’e, fundu Global apoia ona mákina hodi halo teste ba moras, maibé tanba presiza urjente ba detesaun kazu Covid-19, tenke entrega ba Laboratoriu Nasionál maibé daudaun mékina ne’e avaria ona, entauntenke hola foun hodi fó apoiu ba klinika mai.

Makina ne’ebé fundu Global apoia hamutuk 21, no distribui ona ba fasilidade saúde sira.