Dezastre Naturais Rezulta Uma 21 Hetan Estragus no Ema Na’in Rua Lakon Vida

Novembru 24, 2024

Dezastre Naturais Rezulta Uma 21 Hetan Estragus no Ema Na’in Rua Lakon Vida ^Featured

By Ivonia Varela Fevereiru 21, 2023 609

APC ho ekipa halo konferensia imprensa hodi relata ba publiku, dezastre naturais ne'eb'e akontese durante semana ida nia laran. Foto: INDEPENDENTE.

DILI: Diretór Relasaun Externa no Komunikasaun (APC) Anacleto Caitano, hatete, dezastre naturais ne’ebé akontese durante semana ida nia laran, hahú husi loron 14 to’o 19 fulan-Feveiru 2023, Autoriedade Protesaun Sivil (APC) rejista uma kain 21 mak hetan estragus no joven na’in rua lakon vida.

Nia dehan, dezastre naturais ne'e akontese, iha Munisiupiu Manatuto anin boot sobu uma rua (2), Ermera anin sobu uma 4 no ahi han uma ida, iha Líkisa anin sobu uma ida no rai hali afeta uma ida.

Aleinde, Baucau ahin han uma ida , Manufahi anin sobu uma Ida, Lautem ahi han uma ida, Bobonaro anin sobu uma 2 no rai halai afeta ba uma ida inklui Rejiaun Autónomo Espesial Oekusi Ambeno (RAEOA) anin sobu uma ida no ahi han uma ida no inundasaun afeta uma 4.

Iha Munisipiu Ainaro mak Joven Na'in rua ne'ebé husi RAEAO ne'ebé halo peregrinasaun ba Foho Ramelau to'o lakon vida.

"Uma 21 ida ne'ebé hetan estragus husi dezastre Naturais, APC fó kedas apoiu emerjensia ba vitíma sira, konaba ba apoiu rekoperasaun depois verifika lai hafoin bele hatene ida ne'ebé mak tama iha kategori rekoperasaun," dehan nia iha salaun APC Kaikoli, Segunda (20/02).

Nia esplika, apoiu emerjensia ba vitíma sira mak hanesan nesesidade bazika, sasan material hanesan, terpal no sasan seluk ba bebe no inan isin rua sira.

Rate this item

(0 votes)