Tuir informasaun ne’ebé jornalista INDEPENDENTE asesu, sidadaun Indonezia ho idade tinan 38 ne’e mai husi provinsia Sumatera Utara, Indonezia, no ohin nu’udar loron ikus ba ninia period kuarentena.

Maibé, molok sai husi kuarentena, ekipa saúde hamutuk ho parte seguransa transporta nia ba fatin izolamentu Vera Kruz.

Adjuntu Komandante Komandu Polísia Munisípiu Dili, Superintendente polisia Euclides Belo hatete, polisia no ekipa saúde lori sidadaun Indonezia ida ba fatin izolamentu Vera Kruz.

Maske nune’e, nia dehan, atu hatene loloos sidadaun ne’e pozitivu ka lae, parte ministériu saúde mak bele fó informasaun loloos.

“Realmente sidadaun refere PNTL akompaiña agora dadauk tama ona izolamentu klinika Vera Kruz nian,” katak nia.